Onartua izateko irizpideak
Sarrera-profila
Sarbiderako baldintza espezifikoak:
- A) Beharrezkoa da Fisikako Master bat edukitzea. Kontuan izango dira ere Kimika, Matematika edo Ingeniaritza moduko arloetako masterrak dituzten ikasleak.
- B) Beste titulo batzuk ere baloratuko dira.
- C) Beharrezkoa da Doktorego programako irakasle baten abala, posible dela doktoregoko tesiko zuzendaria.
Ez da prestakuntza osagarririk egin behar doktorego programan sartzeko.Hala ere, programan zehar hainbat prestakuntza jarduera egiten dira, hala nola hitzaldietara eta mintegietara joatea.
Europako Unibertsitate Eremuan aitortutako fisika masterra eduki behar da, edo kideko arloetako masterra. Horren ordez, onartuko da fisikaren kideko arlo bateko titulazioa izatea, gutxienez 300 kreditu eginda izanez gero.
Gaztelania
Ingelesa
Doktorego tesien tutore edo zuzendari izango diren irakasleak esleitzeko prozedura
Doktorego programan onartua izateko prozedura ebatzi ondoren, Batzorde Akademikoak tutore eta gutxienez zuzendari bat esleituko dizkio doktoregai bakoitzari, doktorego programan parte hartzen duten UPV/EHUko irakasleen artetik.
Doktorego programak ikertzaile baten konpromisoa eskatzen duenean, zuzendaria konpromisoak dakarrena izango da eta ez da zuzendarien konpromisorik gabe datorren eskaririk onartuko.
Tutorea doktoregaiaren eta batzorde akademikoaren arteko bitartekaria izango da. Era berean, ziurtatuko du doktoregaiaren prestakuntza eta ikerketa lana bat datozela doktorego programaren eta Doktorego Eskolaren printzipioekin.
Tesi zuzendariaren ardura da doktoregaiaren ikerketa zereginak gidatzea, haren prestakuntza jarduerak koherenteak eta egokiak izatea, tesiaren gaiak bere arloan inpaktua eta berritasuna izatea, doktoregaiaren plangintza gidatzea eta bermatzea plangintza hori ondo egokitzen dela doktoregaiak egiten dituen gainerako proiektu eta jarduerekin. Matrikula egin ondorengo hiru hilabeteen barruan, Batzorde Akademikoak doktorego tesirako zuzendari bat esleituko dio, programako edozein irakasle izan ahalko dena, eta tutorea bera izan liteke edo ez. Zuzendari hori honakoetan izango da arduraduna: doktoregaiaren prestakuntza eta ikerketa lanak zuzentzen, jarduera horien koherentzian eta egokitasunean, tesiaren gaiaren arloan izango duen inpaktuan eta berritasunean, plangintza eramaten, eta, behar izanez gero, doktoregaiak izena ematen duen beste proiektu eta jardueretara egokitzen.
Informazio gehiago behar izanez gero, kontsultatu izapideak eta arautegia.