Programa

Ikertaldeek eremu egokiak dituzte doktoregoko ikasleen lana burutzeko, ikerkuntzarako laborategiekin eta zein bere sailaren esparruekin batera. Honez gainera, Bilboko Ingeniaritza Goi Eskola Teknikoak, bertan baitute egoitza sail biek eta ikerkuntzarako institutuak, ikasgela eta mintegi egokiak dituzte doktorego programan aurreikusitako jarduera guztiak garatu ahal izateko.

Ondoko ikerkuntza laborategi hauek dira erabilgarri: - Elektronika aplikaturako ikertaldearen (APERT) ikerkuntza laborategia, Bilboko Ingeniaritza Goi Eskola Teknikoan kokatutakoa, ikertaldearen ikerketa ildoak garatzeko bitarteko egokiak dauzkana: Potentzia Elektronika eta Systems-on-Programmable-Chips. - Teknologia Mikroelektronikoko Institutuak (TiM) 200 metro koadroko Areto Zuria du Bilboko Ingeniaritza Eskolan, bertan dituela hutsa, presiozko airea, gasen hornidura, ur desionizatua eta hondakinen neutralizaziorako zerbitzuak. Linea hezerako, serigrafiarako, litografiarako, difusiorako, hutsean uzteko eta gailuak neurtzeko gelak ditu. Gainera, biblioteka eta ordenagailu gela ere baditu. - Seinale eta Komunikazioen Taldearen Ikerketa Laborategia (GSC), 90 m2-koa, Bilboko Ingeniaritza Eskolan kokatua. Hiru eremutan banatuta dago: bilera gela, graduko eta masterreko ikasleentzako laborategia eta doktoratu aurreko bekadunentzako eta ikertzaileentzako gela independentea. GSCk garatutako ikerketa lerroa da seinale biomediko eta elektrikoen prozesatze digitala. - Ikerketa eta Ingeniaritza Telematikoa (I2T) ikertaldearen ikerketa laborategia, behar bezala hornitua Ingeniaritza Telematikoak bere horretan dituen ildo espezifikoetan ikertzeko. - Komunikazio Optikoen Laborategia, 200 m2-koa, Bilboko Ingeniaritza Eskolan kokatua. Komunikazioetan, sentsoreetan, oinarrizko fotonikan eta optika kuantikoan aplikatzeko ekipamendua du, infragorri hurbil zein ikusgaian. Gainera, plastikozko zuntz optikoa fabrikatzeko dorre bat du (40 m2). - Bioengineering and Resuscitation (BioRes) ikertaldearen laborategiak ikerketarako bi gune ditu Bilboko Ingeniaritza Eskolan. Laborategiek baliabideak eta ekipamendua dituzte seinale biomedikoen prozesamendu aurreraturako eta adimen artifizialeko teknikak aplikatzeko. Barne ditu seinale fisiologikoak eskuratzeko eta monitorizatzeko hainbat sistema, bai eta kalkulatzeko eta biltegiratzeko gaitasun handia duten bi lan estazio ere, bioseinaleen biltegi handiak tratatzera bideratuak.

Unibertsitateetako biblioteka nagusiez gain, bertan milioi bat inguru liburu eta 17.000 aldizkaritatik gorako harpidetzak dituztelarik, Ingeniaritzako Goi Eskola Teknikoan ere biblioteka dago irakaskuntza eta ikerkuntza jarduera burutzeko. Doktorego ikasleek bertan kontsultatu edo maileguan jaso ditzakete unibertsitateetan erabilgarri den edozein liburu edo aldizkarietako artikuluak eskatu, unibertsitatearen web guneak baliatuz. Ikertaldeek ere biblioteka txikiagoak dituzte zeinek bere ikerketa ildoetan ohikoago erabilitako aldizkariak eta azken urteetako kongresu eta doktorego tesietako akten bilduma zabala bertan izanik.