Biztanleen %10-15ek dute dislexia. Hala ere, nahasmendu horrek haurrengan du eragin handiena (garapenaren dislexia); izan ere, gure herrialdean, hezkuntza irakurketa-idazketan oinarritzen da, eta hor izaten dituzte arazo handienak dislexia duten haurrek.

Hezkuntza-erronka horretan oinarrituta, eta Hezkuntza Fakultatean “Haur hezkuntzan dislexia hautemateari eta esku hartzeari buruzko prestakuntzari” buruz antolatu den jardunaldia kontuan hartuta, Arabako Campuseko Unibertsitate Bibliotekak jarduera horri laguntzea erabaki du, Miguel de Unamuno aretoan gai horri buruzko erakusketa txiki bat eginez. 

Liburu-sorta bat aurkituko duzu, bai paperean, bai euskarri elektronikoan (UPV/EHUrentzat bakarrik dago eskuragarri). Bertan, dislexiaren arazoak eta irakurketa-idazketa ikasteko zailtasunak aztertzen dira, baita eskola-esparruan dislexiak dituen aukerako tratamenduak ere.

Halaber, liburutegiko katalogotik bertatik eta Sarbide Irekia aukeraren bidez, doako dokumentazio elektronikora eskuratu ahal izango duzu.

Azkenik, Dislexia Euskadi Elkarteak liburuak aukeratzeko eta materiala ekartzeko emandako laguntza aipatu behar da. Eskerrik asko gure eskoletan hain ohikoa den arazo hori agerian uzteko egiten duten ahaleginagatik.