Liburutegien Eguna dela eta, REBIUN- Unibertsitateko Liburutegien Sareak "Hablamos de Bibliotecas Universitarias" bideoa argitaratu du. Bideo horretan honako hauek nabarmentzen dira: unibertsitate-liburutegiek duten eginkizuna, erronka berriei aurre egiteko duten gaitasuna, funtsezko zifra batzuk, zientzia irekiari eta ikaskuntza- eta irakaskuntza-prozesuei laguntzeko zerbitzuak, bilduma fisiko eta digitalen aberastasuna, ondare bibliografikoa zaintzeko eta zabaltzeko eginkizuna, bakarkako eta taldeko lanerako espazioak, eta garapen jasangarriko helburuekin (GJH) duten konpromisoa.

Bestalde, Gipuzkoako Campuseko Bibliotekan bi erakusketa bibliografiko txiki prestatu ditugu: "Liburutegi ikusezina"-ren edizio berri bat, liburu arraro eta bitxiak erakusten dituena, liburutegi-arkitekturari buruzko erakusketa batekin batera.

Liburutegi ikustezina 3: arte eta natura paperaren gainean

Liburutegitik, berriz ere, bildumaren parte diren liburu arraro eta bitxien multzo txiki bat ezagutarazi nahi dugu. Liburu horiek, gure ustez, gozatzea eta ezagutzea merezi dute, batez ere duten balio estetikoagatik. Oraingoan, naturaren irudikapen artistikoak islatzen dituzten lan batzuk aukeratu ditugu, bereziki landareak eta animaliak.

Liburutegiak eraikitzen

Duela zenbait bosturteko amaiera iragartzen hasi zen, eta hala ere, liburutegi berriak proiektatzen eta eraikitzen jarraitzen dute. Uste dugu liburutegi horiek guztiak denboran irauteko asmotan sortuak direla. Beraz, liburuaren eta ezagutzaren pixkanakako desmaterializazioak ez du eragotzi gizakiak leku sendoak sortzen jarraitzea liburuei aterpea emateko. Liburutegi ukigarriak lurralde liluragarria izaten jarraitzeko arrazoiei buruzko gogoeta batzuk bururatzen zaizkigu.

Lehenik eta behin, duela gutxi egindako profesionalen topaketa batean gogoratzen zen bezala, liburutegiek badute Internetek ez duen zerbait: espazioa. Leku bat dira, toki bat dira. Alde horretatik, azken aldian asko hitz egin da liburutegia "hirugarren leku" gisa, ideien trukerako, komunikaziorako eta gizarte-jarduerarako bereziki egokia den ingurune gisa.  Agian, hitz-joko bat eginez, Marc Augé antropologoak "ez-lekuak" deitu zuenaren alternatiba dira (geltokiak edo merkataritza-guneak, esaterako), non etxean eta lanean igarotzen ez den denbora ere pasatzen dugun. Aurrekoa osatuz, liburutegiak "luxu bat" direla gaineratuko genuke. Baina ez baliabide alferreko eta dotorea izatearen zentzu literalean, baizik eta pribilegio beharrezko eta orokor bat eratzearen zentzu metaforikoan, edozeinek goza dezakeena.

Edonola ere, egia da, liburutegiak ezin dira eraiki duela mende bat bezala. Liburuak, bildumak, bere izateko arrazoia izateari utzi diote, milaka edo milioika liburuki gordetzen zituzten marketeria bikainak soberan daude. Orain, arreta pertsonak eta haiei ematen zaizkien zerbitzuak dira. Ondorioz, espazioak diseinatu behar dira haien lehentasunak eta beharrak kontuan hartuta: areto argitsuak, talde-lanetarako tokiak, atseden hartzeko guneak, banakako lanerako kabinak, WiFi konexioak... Liburutegi berria irakurtzeko lekua da, bai, baina, batez ere, elkartzeko, komunikatzeko eta ideiak trukatzeko lekua da. Azken batean, lurralde komunitarioa.

Erakusketa txiki honek, liburu eta artikulu sorta bat biltzen du. Liburu eta artikulu horietan liburutegien espazioak azken hamarkadetan izan dituen aldaketak erakusten dira, bilakaera erradikal baten garaia, XIX. mendetik ezagutu dugun “liburutegi fisikotik” gaurko liburutegi digitalera.

Bi erakusketak Gipuzkoako Campuseko Bibliotekako atarian egongo dira 2023ko urriaren 24tik aurrera.