Azaroan, Bibliotekaren kudeaketarako sistema integratua aldatuko dugu.

WMS (Worldshare Management System) da sistema berria, OCLC-k garatu duena eta mundu mailako biblioteka kooperatiba handiena dena; izan ere, kooperazioa da bere ezaugarri nagusia.

1967 urtean sortua, OCLC ikerketa eta zerbitzu informatikoak bibliotekei eskaintzen dizkien irabazi-asmorik gabeko erakundea da. Bere zereginik nabarmenena, informaziorako sarbidea kostu txikienarekin biblioteketako erabiltzaileei ematea da. OCLC-ren zerbitzuak 171 herrialdetan sakabanatutako 72.000 biblioteka baino gehiagok erabiltzen dituzte baliabideak lokalizatu, eskuratu, mailegatu, gorde eta kudeatzeko.

WMS, Worldcat-en oinarritzen da, munduko biblioteketako katalogo kolektiborik handienean.

UPV/EHUko Bibliotekak, 2016tik hona hartzen du parte Worldcat katalogoan, eta honi esker egin ditzakegu:

Gure funtsak mundu mailan agerian jarri
Unibertsitateko ondare bibliografikoa zabaldu
Gure erabiltzaileei milaka baliabidetarako konexioa eman (400 baliabide bibliografikotik gora) sarbide unibertsala erraztuz.