Deskribapena

Datorren otsailaren 21ean, asteazkena, UPV/EHUko Zientzia eta Teknologia Fakultateko ikasleek sektoreko enpresekin lehen harremana izateko aukera izango dute ‘Berrikuntza Teknologikoko Enpresak eta Zentroak Aurkezteko XIX. Jardunaldien’ barruan. Ekimen honen helburua ikasleek praktikak egin edo curriculum vitaea aurkez dezaketen enpresak eta zentroak ezagutzea da.

Guztira 53 enpresa eta zentro izango dira eta azken urteko 600 ikasle baino gehiago hurbilduko dira standetara. Besteak beste, Iberdrola, Idom, BBK eta Tecnalia, Biozientziekin, Geologiarekin, Matematikarekin, Fisikarekin, Kimikarekin eta Ingeniaritza Elektronikoarekin zerikusia dutenak. Standak fakultate horretako lehen solairuan egongo dira, hall nagusian eta Grand Salle erabilera anitzeko aretoan.