Deskribapena

Euskal Herriko Unibertsitatearen GPAC (Ondare eta Paisaia Kulturalen Berrikuntzarako Espazio Esperimentala) ikertaldeak ‘Konektibitatea eta esperientzia kolonialak Historiaurre Hurbiletik Antzinaroraino’ izeneko workshop bat antolatu du. Ekitaldiak kolonia osteko tradizio historiografikoari buruzko eztabaida tailerra izan nahi du, Euskal Herrian aplikatzeko, orain arte ez baitu eragin garrantzitsurik izan.

Workshopak esparru akademikoetako hizlariak izango ditu, hala nola anglosaxoiak edo nederlandarrak, non korronteak garapen eta eragin handia izan duen. Nazioartean ospe handia duten adituak dira eta arkeologia postkolonialean edo kontaktu kulturaletan duten esperientzia partekatuko dute, Historiaurre Hurbiletik Antzinaro Klasikora arte hedatzen den eremu kronologiko goiztiar bati aplikatuta.

Nazioarteko eztabaidetan gai nagusiak tokian toki eztabaidatzeaz gain, workshopak helburu sozial zehatza du. Europako metropolietan pentsamendu korronte horiek onartu eta finkatu ahala, historia zintzoagoa eta konpontzaileagoa eraikitzen baita, kulturartekotasunari argudio positiboak ematen lagunduko dion kontakizun integratzailea sortzeko. Zeregin hori behar-beharrezkoa da gatazka beliko orokortuen eta emigrazio masiboen giro honetan, kasu askotan helmuga baitituzte bere garaian metropoli izandako herrialdeak.