Joseba Pineda Medikuntza eta Erizaintza Fakultateko dekanoa oso pozik agertu da 2019ko BAME deialdian lortutako emaitzak direla eta. “Datuen berrespenaren zain gaudelarik, lortutako emaitzak bikainak dira gure fakultatearentzat. Hauxe da gure arrakasta tasa: gure graduatuek lehen postuen % 18 lortu dute, eta portzentaje hori gure fakultatetik aurkeztu direnen portzentajea baino askoz handiagoa. Aurten, gainera, lehen 25 postuetan lau ikasle daude (2018an baino hiru gehiago), eta, top 50 kontuan hartuz gero, bederatzi daude, iaz baino bost gehiago”, adierazi du Joseba Pinedak.

BAMEko hautaketa proba otsailaren 2an izan zen. Guztira, 15.884 pertsonak egin zuten prestakuntzarako 6.797 plazetako bat lortzeko sarbide proba, egoiliar sistemaren bidez, 55 espezialitate medikoetakoren batean. Euskal Autonomia Erkidegoan 371 medikuntza-egoiliar plaza eskaini dira.

Probak 225 galdera zituen, aukera anitzekoak, hamarretik gora erreserbakoak. Ariketaren iraupena bost ordukoa izan zen. Deialdi honetako gutxieneko nota 159 puntukoa izan da. Hamar azterketa onenen batez besteko nota, aldiz, 559,7 puntukoa. Azken balorazioa egiteko, probara aurkeztutako pertsonaren espediente akademikoa hartzen da kontuan. Martxoaren 21ean ezagutuko dira behin betiko emaitzak, apirilaren 22an egoiliar plazak esleitu eta maiatzaren 27an plaza hartu.