-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Mugikortasunaren Europako Astea
Noiz eta non
Noiztik: 2023/09/20 Noiz arte: 2023/09/22
Deskribapena
Euskal Herriko Unibertsitateak beste urte batez bat egingo du Mugikortasunaren Europako Astearekin. ‘Konbinatu eta mugitu!’ leloa du ekimenak. Aurten, irailaren 20tik 22ra bitartean hiru campusetan jarduera programa luzea burutuko da, unibertsitate komunitatean mugikortasun iraunkorragoa sustatzeko asmoz.
Jardueren artean honako hauek daude: bizikletaz eta patinete elektrikoz egindako ibilbideak, bizikletentzako tailerrak eta auto elektrikoen erakustaldiak, besteak beste, Formula Studentena, Bilboko Ingeniaritza Eskolako ikasle eta irakasle talde batek garatutako kotxe elektrikoa.
Gainera, Bizkaiko Campuseko Zientzia Parkean (Leioa-Erandio eremua), Euskadiko Parke Teknologikoak ibilgailu elektrikoentzako kargatze azkarreko puntu bikoitz bat jarri du martxan. Egoitza Eraikinaren ondoan dagoen instalazio berriak energia %100 berdearekin birkargatzea bermatzen du, energia hori iturri berriztagarrietatik sortua baita.
UPV/EHUn antolatutako Mugikortasunaren Europako Asteari buruzko Informazio gehiago: https://www.ehu.eus/eu/web/iraunkortasuna/sem2023