Lehenengo datuen arabera, Euskal Herriko Unibertsitatean uztailaren 6tik 8ra Unibertsitatera Sartzeko Ebaluazioko (USE) ezohiko deialdiko Sarbide fasera aurkeztu ziren 1.097 ikasletatik 990ek gainditu du, hau da, % 90,25ek. Sarbide fasearen batezbesteko nota 6,2koa izan da.

USEk bi fase dituzte: sarbide fasea, unibertsitateko gradu ofizialak ikasi ahal izateko gainditu behar dena, eta onarpen fasea, borondatezkoa, sarbidea fasearen lortutako kalifikazioa hobetzeko balio duena.

Ohiko deialdian, ekainaren 8tik 10era egin zena, 11.905 ikasle aurkeztu ziren sarbide fasera, eta 11.709k gainditu. Beraz, % 97,29k aprobatu zuen, eta batezbesteko nota 7,02koa izan zen.

Datuak behin-behinekoak dira, berrikusketaren ebazpenaren aurretikoak. Izan ere, berrikusketa eskatzeko irekita dago gaurtik, uztailak 14, uztailaren 16 arte, eta behinbetiko emaitzak uztailaren 23an argitaratuko dira.

Bestalde, ezohiko deialdian USE gainditu eta UPV/EHUn gradu bat ikasi nahi duten Autonomia Erkidegoko Batxilergoko ikasleek beren izen-ematea berretsi beharko dute uztailaren 19tik 25era.

Jarraian, datuak batzen dituen taula dago:

*Campus gabe: Ikasle batzuei arrazoi ezberdinengatik (Batxilergoa aspaldi bukatu zuten, dagoeneko unibertsitateko ikasleak dira…) ez zaie campus bat automatikoki esleitzen.