Deskribapena

BerrAktibatu+ Unibertsitateak programa aurkezteko prentsaurrekoa egingo da. Programa horren bitartez, unibertsitate komunitatea baliabideen erabilera efizientean eta unibertsitate jarduerak planetan duen eragin negatiboaren murrizketan engaiatzea lortu nahi da.

Parte hartzaileak:

• Agustín Erkizia, UPV/EHUko Gipuzkoako Campuseko errektoreordea
• Jose Ignacio Asensio, Gipuzkoako Foru Aldundiko Ingurumeneko eta Obra Hidraulikoetako diputatua
• Juantxo Agirre, Aranzadi Zientzia Elkarteko idazkari nagusia

Gipuzkoako Foru Aldundiko Ingurumeneko Zuzendaritza Nagusiaren finantzaketari esker, urri honetan jarriko da abian BerrAktibatu+ programa, eta maiatzera arte indarrean egongo da UPV/EHUko Gipuzkoako Campuseko hiru zentroetan: Informatika Fakultatean, Gipuzkoako Ingeniaritza Eskolan eta Carlos Santamaría Zentroan. 

Zentro horietan ekintza talde bana eratu da, irakaslez eta ikerlariz, administrazio eta zerbitzuetako langilez, eta ikaslez osatua, eta 2019/20ko ikasturtean ekintzak aztertu eta proposatuko dituzte hainbat arlotan, tartean, ura, mugikortasuna, energia, erosketa/hondakinak eta elikadura.