Gradu ondoko 46 ikasle gaztek gehienak UPV/EHUkoak (44), eta beste batzuk Deustuko Unibertsitatekoak eta Mondragon Unibertsitatekoak plaza lortu dute Bilboko Udal Etxebizitzak entitateak “Gazte Solidarioen” programaren hamahirugarren ediziora bideratutako 20 etxebizitzetan.
-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
UPV/EHUko 44 ikaslek parte hartuko dute Gazte Solidarioen programan
Ekimenak alokairu partekatua eskaintzen du, hilean 55 euroko prezio sinbolikoan; ordainetan, ikasle bakoitzak auzoko proiektu komunitarioetan lagundu behar du
- Albisteak
Lehenengo argitaratze data: 2023/01/23
![](https://www.ehu.eus/documents/10136/42046170/20230123-jovenes-solidarios.jpg/747107ba-20f7-a5f5-7d74-d7214e7621e4?t=1674479249540)
Programa horren bidez, udal etxebizitzak eskaintzen dira, alokairu partekatuan, prezio sinboliko baten truke: 55 euro hilean, pertsonako (argindarraren eta uraren gastuak kanpo); etxebizitza horiek sukalde hornitua eta altzariak izaten dituzte. Trukean, ikasleek proiektu komunitarioetan eta kolektibo zaurgarriei laguntza emateko ekimenetan parte hartu behar dute etxebizitza horiek dauden auzoetan, hau da, Otxarkoagan eta Bilbo Zaharrean.
Gorka Moreno Euskal Herriko Unibertsitateko Bizkaiko Campuseko errektoreordearen hitzetan, “UPV/EHUrako etxebizitza solidarioen programa aukera bat da ikasleek boluntariotza egiteko eta beren ingurune komunitarioaren ongizatean parte hartzeko”.
Programaren edizio berri honen aurkezpen-ekitaldia Otxarkoaga auzoan izan da, eta han izan dira Jon Bilbao, Etxebizitza Saileko zinegotzia eta Udal Etxebizitzak udal entitateko presidentea, Gorka Moreno, UPV/EHUko Bizkaiko Campuseko errektoreordea, Nekane Garatea Deustuko Unibertsitateko Nazioarteko Harremanetako Bulegoko ostatatze eta harrera saileko arduraduna eta Aitzol Garmendia, Mondragon Unibertsitatea eta unibertsitate horrek Bilbon duen LEINN gradua ordezkatuz.
Edizio honen xehetasunak agertu ostean, bisita bat egin da programan sartuta dauden etxebizitzak ikusteko, Otxarkoagako auzoan, han bizi den UPV/EHUko ikaslea den Mar Puigekin batera, zeina gizarte lankidetzan ari baita AMUGE elkartean (Emakume ijitoak ahalduntzeko eta sustatzeko kulturarteko elkartea), zeina auzo horretan bertan baitago.
“Esperientzia honek etxebizitza duina izatearen zortea baloratzen eta eskertzen lagundu dit. Oso garrantzitsua iruditzen zait gazte gisa independizatzeko eta gure espazioa izateko aukera hau izatea eta maila ekonomikoan irisgarria izatea”, adierazi du Mar Puigek, UPV/EHUko Garapena eta Nazioarteko Lankidetza Masterreko ikasleak.
BILBO ZAHARRA | OTXARKOAGA |
---|---|
Aldauri | Amuge |
Bakuva | Bizitegi |
Bilbao Historiko |
Cáritas |
Claret Fundazioa | CEIP Artatse |
Crea África | Gugaz Aurrera* |
Gugaz Aurrera* | IES Txurdinaga |
Itaka | Tendel |
Sartu | |
Tximeleta |
*Gugaz Aurrera Bilbo Zaharrean eta Otxarkoagan parte hartzen du
Programa abian jarri zenetik, 500 gazte baino gehiagok (batez beste 26 urte dutenak) parte hartu dute Gazte Solidarioak programan, zeina Udal Etxebizitzak udal entitateak sustatzen baitu. Aldi honetan, 2022/23 unibertsitate-ikasturterako etxebizitza bat alokairu partekatuan eskuratu duten XX gazteen artean, % 54,8a emakumeak dira, eta % 45,2a gizonak.