Radio Bilbaoren Bikaintasunaren Sarien seigarren edizioko epaimahaiek EHUko Gizarte eta Komunikazio Zientzien Fakultateari eman diote saria, komunikazioaren kategorian, eta Mar Mendibe, EHUko irakasle eta Medikuntza eta Kirurgiako doktoreari, ikerketaren kategorian.

Epaimahaiak EHUko Gizarte eta Komunikazio Zientzien Fakultateko irakasle, hezitzaile eta hezitzaile lan hirukoitza goraipatu du. Halaber, Radio Bilbaok aipatu du 5 gradu, 3 gradu bikoitz, 10 master ofizial eta 27 ikerketa-talde biltzen dituen erreferente oso bat dela. 1981eko urriaren 2an sortu zenetik, 18.000 pertsona baino gehiago lizentziatu dira bertan. Gainera, sari hau Fakultatearen 40. urteurrenaren ospakizunarekin bat dator, eta oso eskertuta dago emandako sariagatik.

“Pozik gaude, oso pozik. Eta Fakultateko kide guztien izenean eskerrak ematen dizkiogu Radio Bilbao-SER irratiari. Saria azken urteetan Fakultateak hobekuntza eta berrikuntzaren alde egindako apostuaren uzta da. Eta aintzatespenak balio berezia du guretzat. Radio Bilbao-SER irratia gure ondoan izan dugu beti, ikasleei tokiz tokiko formakuntza praktikoa eskeintzeko prest.  Beraz, ondo baino hobeto dakite zein den Fakultatean sortzen ditugun etorkizuneko profesionalak”, dio Ana Irene del Valle, Fakultateko dekanoa.

Bestalde, Mar Mendibe Bilbao, Espainiako ehun mediku onenen artean dago laugarren urtez jarraian, Forbes aldizkariak egindako zerrendan. Neurologian espezializatuta dago eta irakaskuntza, ikerketa eta praktika klinikoa uztartzen ditu, esklerosi anizkoitzari (EM) eta beste gaixotasun neuroinmunologiko batzuei arreta berezia eskainita. Gurutzetako Unibertsitate Ospitaleko Neurologiako mediku espezialista ere bada. Berak saria eskertzen du eta hainbeste ahaleginekin lan egiten duten paziente eta ikertzaile guztiei eskaintzen die. “Azkar joan nahi baduzu, bakarrik joan. Urrutira iritsi nahi baduzu, lagunzarkein joan” dio Marek.

Radio Bilbaoren Bikaintasun Sarien ospakizuna martxoaren 23an izango da, 18: 00etan, Bilboko Campos Eliseos Antzokian.