Deskribapena

Algaloop, Industrialdea, 138-188, Asteasu 

Datorren astelehenean, UPV/EHUk, Hazik eta Itsas Garapenek Euskadin garatuko den mikroalgak ekoizteko lehen proiektua aurkeztuko dute, Algaloop start up sortu berriaren bidez. Mikroalga horiek bioongarri gisa erabiltzeko ahalmena dute. 

Aurkezpen-ekitaldian honako hauek parte hartuko dute: 

• Leandro Azcue Mugica, Eusko Jaurlaritzako Arrantza eta Akuikulturako zuzendaria. 

• Peli Manterola, Haziko zuzendari nagusia. 

• Sergio Seoane, UPV/EHUko Zientzia eta Teknologia Fakultateko irakaslea eta Mikroalgen Laborantzarako Euskal Bildumaren (BMCC) arduraduna. 

• Maria Pilar Legarra Cortajarena, Asteasuko alkatea. 

• Joseba Argoitia Vila, Caixabankeko AgroBank Norte lurraldeko zuzendaria. 

• Anaut Paterson, Algaloopeko CEOa. 

Algaloop enpresan garatuko den mikroalgak hazteko proiektua Eusko Jaurlaritzako Tokiko Arrantza Ekintza Taldeak Sergio Seoane irakasleari mikroalgak hazteko eredu bat gidatzeko eta enpresak UPV/EHUko Mikroalgen Laborantzarako Euskal Bildumako (BMCC) algak erabili ahal izateko emandako proiektutik sortu zen. Bilduma horrek munduko hainbat tokitako mikroalgen 600 andui baino gehiago ditu, batez ere Euskal Herriko uretakoak.