Deskribapena

Ostiralean, abenduak 1, 11:00etan, Euskal Herriko Unibertsitateko Arkitektura Goi Eskola Teknikoko Peña Ganchegui Gelan (paraninfoa), Donostian, Miguel Garai (Donostia 1936-2023) arkitektoa eta zentroko irakaslea omentzeko ekitaldia egingo da. Miguel Garai Arkitektura Goi Eskola Teknikoaren bultzatzailea eta Arkitektura Departamentuaren zuzendaria izan zen. 

Ekitaldian parte hartuko dute:

• Rafael Moneo, ibilbide profesional luzean, sari ugari jaso ditu, besteak beste, Arkitekturako Pritzker saria eta Arteen Asturiasko Printzea saria. Arte Ederretako akademikoa, Kultura Ministerioaren Arte Ederren Urrezko Domina eta Nafarroako Gobernuaren Vianako Printzea saria eskuratu zituen.
• Simón Marchán, UNEDen Estetika eta Arteen Teoriako katedradun emeritua, San Fernandoko Arte Ederren Errege Akademiako kide osoa eta Kultura Ministerioaren Arte Ederren Urrezko Domina jaso zuena.
• Santi Eraso, Gure Artea saria jaso du, Erromako Espainiako Akademiaren Patronatuko kidea da eta artearen eta kulturaren arloko ikertzailea.
• Alberto Ustarroz, arkitekto nafarra, UPV/EHUko Arkitektura Goi Eskola Teknikoko irakaslea, Bruselako Fondation Philippe Rothier pour L 'Architecture-k emandako Prix Europeen de la Reconstruction de la Ville saria jaso duena.

Lau gonbidatuak garrantzitsuak dira arkitekturaren, pentsamenduaren eta kritikaren munduan, bai diziplina horretan, bai sorkuntzaren eta artearen beste arlo batzuetan. Guztiek lotura zuzena eta estua izan zuten Miguel Garairekin bere ibilbide profesionalean eta irakaskuntzan, eta horietako bakoitzak adierazitako alderdiren bat ilustratuko du.

Bestalde, ekitaldian zehar Inge Mendiortzek zuzendutako ‘Arquitecto sin límites’ (18 min) dokumentala proiektatuko da. Dokumentalak Miguel Garairen ibilbide profesionala jorratzen du, bereziki irakaskuntzan egindako lana, eta Juan José Arrizabalaga, Jonathan Chanca, Santos Barea eta Eugenio Urdambide izan ditu partaide.