Deskribapena

Cámarabilbao

Rekalde zumarkalea, 50

Ostegunean, irailaren 29an, 18:00etatik aurrera, Cámarabilbaok “B2B eta B2C ETEetako Marketin Digitala. Saltzailearen heriotza?” jardunaldia hartuko du. Digitalizazioak enpresa txiki eta ertainen marketinera ekarri dituen estrategia berriak eta metodo tradizionalak elkarrekin nola bizi daitezkeen jakin nahi duten enpresen kudeaketan erantzukizuna duten pertsonei eta marketin-sailei zuzenduta dago topaketa hau.

Oscar Bilbao ESICeko Marketin Zuzendaritza eta Kudeaketa Komertzialeko eta Marketin Digitaleko Masterretako irakaslearen eskutik, topaketara joaten diren pertsonak marketinaren tresna digital berrietan eta CRM, Big Data, Metabertsoa, Bitcoin, Errealitate Birtuala edo e-Commerce bezalako kontzeptuetan barneratuko dira, gizartean eta enpresan sartu direnak lan egiteko eta harremanak izateko modu berriak ezarriz. Errealitate berri horiek eta  hiperkonexioa estrategia tradizionalenekin - hala nola azokak, katalogoak edo merkataritza-sareak - nola elkarrekin bizi daitezkeen ere landuko da.

Cámarabilbaok eta UPV/EHUk, Familia Enpresaren Katedraren bidez, eta Bizkaiko Foru Aldundiaren laguntzarekin antolatutako jardunaldi hau doakoa da.

ETEentzako ziklo hau Pekinen ekaitz batek Bilboko ETE bati eragiten dio? Tximeleta-efektua Ekonomian eta Metabertsoa: mehatxua edo aukera: Bide teknologikoa, gure zain dagoen etorkizunerantz hitzaldiekin hasi zen, eta azaroaren 10ean amaituko da, Emozioak gidatzen: nola lortu zure taldearen bertsiorik onena topaketarekin.

Informazio gehiago eta izen-ematea, hementxe.