Deskribapena

Vital Fundazioa Kulturunea (Dendaraba M.G.)

Bakea kalea, 5 - 1. solairua. 01005 Vitoria-Gasteiz

Euskal Herriko Unibertsitatearen ‘Valentín Foronda’ Gizarte Historiarako Institutuak ‘La violencia, actor político de la Transición. Discursos y prácticas del PSOE y el PCE (1975-1982)’ [Indarkeria, Trantsizioaren eragile politikoa. PSOEren eta PCEren diskurtsoak eta praktikak (1975-1982)] izeneko liburuaren aurkezpena egingo da.

Indarkeria politikoak Espainiako demokraziarako trantsizioan izan duen zentraltasuna ezagutaraztea da Victor Aparicio Rodríguezen lanaren funtsezko helburua. Horretarako, aztertu egiten da fenomeno horrek PSOEren eta PCEren nortasunari, estrategiei eta jokabide politikoei nola eragin zien, garai horretako funtsezko protagonistak baitziren, eta, ondorioz, Trantsizioaren garapena bera nola baldintzatu zuen.

Aurkezpena Dendaraba merkataritza gunean egingo da, eta Antonio Rivera UPV/EHUko katedradunak hartuko du parte, lanaren egilearekin batera.