Deskribapena

UPV/EHUko Ekonomia eta Enpresa Fakultateak Industria Ekonomiari buruzko XXXVII. Jardunaldiak antolatu ditu, industria-antolamenduaren arloko ekitaldi handiena Espainian. Bertan, 100 aditu inguru bilduko dira, unibertsitate-esparrukoak eta erregulatzaileak.

Inaugurazio-mahaian honako hauek hartuko dute parte:

• Jon Barrutia, Ekonomia eta Enpresa Fakultateko dekanoa. UPV/EHU.
• Aitor Ciarreta, Tokiko Batzordeko presidentea. Analisi Ekonomikoa saila, UPV/EHU.
• Jo Seldeslachts, Batzorde Zientifikoko presidentea. DW Berlin eta KU Leuven.
• Ricardo Flores-Fillol, Industria Ekonomiari buruzko Jardunaldien Batzorde Exekutiboko presidentea. Rovira i Virgili Unibertsitatea.

Jardunaldia Ekonomia Industrialeko ikertzaileen nazioarteko bilera bat da, Espainiako Ekonomia Elkarteko (AEE) Ekonomia Industrialeko Batzordeak antolatua. 1985etik, bilerak aukera eman die Industria Ekonomiako ikertzaileei beren lana eztabaidatzeko, ideiak partekatzeko eta harremanak ezartzeko. Hiru hamarkada baino gehiagoz, bilerak hainbat herrialdetako ehundaka parte-hartzaile erakarri ditu. 

Informazio gehiago, hementxe.