Jesús Jiménez-Barberok, UPV/EHUko Zientzia eta Teknologia Fakultateko Kimika Organiko eta Inorganikoa saileko irakasle eta ikertzaileak, "Enrique Moles" Ikerketa Sari Nazionala jaso du Zientzia eta Teknologia Kimikoaren arloan, bere ibilbide zientifiko “bikaina “eta karbohidratoen eta proteinen arteko ezagutza molekularreko prozesuak arautzen dituzten mekanismoak ulertzeko ekarpen baliotsuak saritzeko.
Jesús Jiménez-Barbero, 'Enrique Moles' Ikerketa Sari Nazionala Zientzia eta Teknologia Kimikoaren arloan
Ikerketaren alorrean Espainian ematen den aintzatespenik garrantzitsuena da
- Albisteak
Lehenengo argitaratze data: 2023/09/29
Jesús Jiménez-Barbero, halaber, Ikerbasqueko irakaslea eta CIC bioGUNEko zuzendari zientifikoa da – Basque Research and Technology Allianceko kidea – 2014tik. Zentro horretan, Severo Ochoa Bikaintasun Zentro gisa aitortu zuten 2017an eta 2022an.
Jiménez-Barbero 1987an doktoratu zen Madrilgo Unibertsitate Autonomoan, Kimika Organiko Orokorreko Institutuan (IQOG-CSIC). 1986 eta 1992 artean CERMAV-CNRSen (Grenoble), Zuricheko Unibertsitatean, Ikerketa Medikorako Institutu Nazionalean (Erresuma Batua) eta Carnegie Mellon Unibertsitatean (AEB) garatu zuen bere ikerketa-lana.
Ikerbasque gisa Zientzia eta Teknologia Fakultatera joan aurretik, CSICeko Ikerketa irakaslea izan zen Ikerketa Biologikoen Zentroan (CIB, 2002-14). Lehenago, zientzialari titularra (1988-96) eta ikertzaile zientifikoa (1996-2002) izan zen IQOGn.