Deskribapena

Astelehenean, martxoak 28, 12.00etatik aurrera Vitoria-Gasteizko Goiuri Jauregian, ‘GIHen aurrerapena Euskadiko udalerrietan' izeneko jardunaldia egingo da.

Garapen Iraunkorrerako Espainiako Sareak (REDS) eta Euskal Herriko Unibertsitateak (UPV/EHU) elkarlanean antolatutako jardunaldi honetan -Eusko Jaurlaritzako Trantsizio Sozialaren eta 2030 Agendaren Idazkaritza Nagusiarekin, Gasteizko Udalarekin eta Ecoembesekin lankidetzan- tokiko Garapen Iraunkorrerako Helburuen (GIH) betetze mailari buruzko bi txosten aurkeztuko dira:

• - Azterlana: “GIHak Espainiako hirietan”, REDS-ek egina, Garapen Iraunkorrerako Helburuen (GIH) betetze-maila aztertzen duena. Leire Pajín REDSeko lehendakariak eta Inés Sánchez de Madariaga txostenaren zuzendarikideak aurkeztuko dute.
• - Txostena: “Euskal udalerriek GIHei egindako ekarpena”, euskal udalerrien sareak (UDALSAREA) egindakoa, Agate Goyarrola, IHOBEko ingurumen-iraunkortasunaren arloko teknikariak aurkeztuko du.

Jardunaldian Jonan Fernandez Eusko Jaurlaritzako Gizarte Trantsiziorako eta 2030 Agendarako idazkari nagusiak ere parte hartuko du. 2030 Agendaren Lehentasunen Euskal Programa aurkeztuko du, eta mahai-inguru bat egingo da Euskadin Garapen Iraunkorrerako Helburuen ezarpena gidatzen ari diren alkate batzuekin.

Egitarau osoa: https://bit.ly/36qbaKa

Ekitaldia streaming bidez jarraitu ahal izango da REDSen Youtubeko kanalean: https://www.youtube.com/c/REDSSDSNSpain/videos

Izena emateko esteka: https://forms.gle/HDKuwyxLw6SwTR4H7

REDS sarea eta UPV/EHUri buruz

Garapen Iraunkorrerako Espainiako Sarea (REDS) SDSN (Sustainable Development Solutions Network) sare globalaren ordezkaria da estatu espainiarrean. Sare hori erreferentziazko eragile anitzekoa da, eta unibertsitateak, administrazio publikoak, enpresak eta gizarte zibila biltzen ditu, 2030 Agenda eta GIHak Espainian hedatzen eta ezartzen laguntzeko helburuarekin.

REDS Garapen Iraunkorraren Kontseiluko Batzorde Iraunkorreko kide da, eta hori funtsezko jarrera da Garapen Jasangarriaren Estrategia bultzatzeko eremu nazionalean.

UPV/EHU sare horretako kide aktiboa da 2018tik. Garapen iraunkorrerako hezkuntza sustatzeko jarduera-ildoko hainbat proiektutan parte hartu du, baita "Nola ebaluatu GIHak unibertsitateetan" eta "Unibertsitatean 2030 Agenda ezartzen. GIHetarako hezkuntza-kasu inspiratzaileak Espainiako unibertsitateetan" argitalpenetan lagundu ere. Horrez gain, 2019az geroztik, sare horretako 1º lehendakariordea UPV/EHUko Iraunkortasunaren eta Gizarte Konpromisoaren arloko zuzendaria da, Estibaliz Sáez de Cámara Oleaga.

Informazio gehiago: coordinacion2@reds-sdsn.es
Webgunea: www.reds-sdsn.es