Deskribapena

Asteazkenean, ‘El enigma Pertierra’ erakusketarekin hasiko da Umorezko Literaturaren eta Artearen Nazioarteko Jaialdiaren hamalaugarren edizioa. Han izango dira Juan Bas Ja!-ren zuzendarikidea, Gorka Moreno Euskal Herriko Unibertsitatearen Bizkaia Campuseko errektoreordea eta Itziar Urtasun Bilboko udaleko Kultura eta Gobernantza Saileko zinegotzi laguntzailea. Erakusketa urriaren 22ra arte egongo da ikusgai, eta haren egilekidea, Javier Olivares ilustratzailea, inaugurazioko ekitaldian egongo da halaber.