Deskribapena

Euskal Herriko Unibertsitateak, Gipuzkoako Campusaren bidez, informazio-jardunaldiak egingo ditu Gipuzkoako hainbat herritan.

Jardunaldi hauen helburua da UPV/EHUren eta etorkizuneko unibertsitateko ikasleen arteko lehen hartu-emana egitea, unibertsitate honi buruzko informazio orokorra ematea eta zure intereseko unibertsitate-ikasketei buruzko erabakiarekin zerikusia izan dezaketen zalantzak eta galderak argitzea.

Lehenengo Informazio-saioa astelehenean, azaroaren 25ean, 18:30etan, izango da Legazpin (Kultur Etxea, areto nagusia). Ostean, Euskal Herriko Unibertsitatea Beasainen, Donostian eta Eibarren izango da. Ekitaldi guztiak 18.30etan hasiko dira eta elebidunak izango dira (Donostian izan ezik, bi saio egingo baitira: abenduaren 2an, euskaraz, eta abenduaren 4an, gaztelaniaz).

SARRERA IREKIA

Abenduaren 2an eta 4an egingo diren hitzaldian web bidez parte hartzeko, ez da izenik eman behar. Esteka erabiltzearekin nahikoa da.

• Abenduak 2 (euskara): https://tinyurl.com/vnkucpf5
• Abenduak 4 (gaztelania): https://tinyurl.com/mryuedmk

UPV/EHUri BURUZKO INFORMAZIO-JARDUNALDIAK GIPUZKOAN