-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Gure txokoak: Barne patio bat
- Photocampus
Lehenengo argitaratze data: 2022/01/20
![](https://www.ehu.eus/documents/10136/33867813/gure-txokoak-peter-pearman_web.jpg/de1ee976-fbe2-28a7-57bd-f2a31ad5be01?t=1642578033378)
"Naturaz inguratutako hiri txiki batetik gertu hazi nintzen. Lehen hezkuntzan jada biologiak asko erakartzen ninduen, etxe barruan dozena bat suge edo zenbait musker izateraino, are belatz bat ere garajean. Institutuan, lagunak eta biok maiz joaten ginen kanpatzera, batzuetan eskola aldiko gauetan ere bai, eta, geroago, baita neguan ere. Ehunka hektarea zelai eta baso zeuden, kalea gurutzatu eta hantxe hasten ziren. Horregatik, unibertsitatera joan nintzenean, nahiko argi nuen biologia ikasiko nuela, eta asteburuetan eskia, kanpina, eskalada eta antzeko entretenimenduez gozatzen nuen. Aire zabala eta natura maitatzen jarraitu nuen, maitasun horrek nirekin segitu zuen are graduondoko ikasketetan eta gaur egun ere badirau. UPV/EHUra iritsi eta bulego bat aukeratu behar izan nuenean, Medikuntza eta Erizaintza Fakultatean kokatutako bat eskaini zidaten, leihate izugarri handiak zituena, baita barne patio eder bat ere, non konifero handi bat gailentzen baitzen; zuhaitzak itzala ematen zuen eta eraikitako ingurunearen lerro zuzenetatik aldentzen zen. Patio hau campus osoan dudan lekurik gustukoena da, dituen ikuspegi ezin hobeengatik ez ezik, udaberrian txoriak erakartzen dituelako ere bai."
Hauxe da Zientzia eta Teknologia Fakultateko Landareen Biologia eta Ekologia Saileko Ikerbasque Research professor Peter B. Pearmanek aukeratutako tokia. Pearman da testu honen egilea ere.
Nola iritsi: 43°19'50.0"N 2°58'11.3"W