Joan Subirats Unibertsitateen ministroa ostegun honetan elkartu du Toledon, Gaztela-Mantxako unibertsitatean, Unibertsitateen G-9 taldeko errektoreen biltzarrarekin. Lan-erreformak ikertzaileen kontratazioan duen eraginagatik duten kezka handiaren berri eman diote errektoreek eta arazo hori konpontzeko beharrezko ekintzak egiteko eskatu diote. G-9 taldeak, halaber, berriztapen-tasa kentzeko eskatu dio ministroari, plantillak murrizten eta zahartzen ari baitira horren ondorioz.
-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
G-9 taldeak Unibertsitateen ministroari neurriak eskatu dizkio unibertsitate publikoetan ikerketak eta transferentzia ez geratzeko
Lehenengo argitaratze data: 2022/03/28
![](https://ehu.eus/documents/10136/35148854/Reunio%CC%81n+Subirats+con+G9_7_marzo22_web.jpg/f77a9658-251e-ed70-ef01-edae45b293f7?t=1648479225922)
Unibertsitateen G-9 taldeak adierazi du Unibertsitate Sistemaren Lege (LOSU) berri bat behar dela, unibertsitate publikoen egitura, gobernantza eta finantzazioa hobetzeko. Lege berri horretan IRIren estatutua erreformatu beharko litzateke, unibertsitate-sistemak talentuari eustea eta talentua erakartzea berma dezan eta tenporaltasun-tasa murriztu dadin.
G-9 taldeko errektoreek berriztapen-tasa kentzeko beharrezko kudeaketak egiteko ere eskatu diote ministroari, unibertsitateek bakoitzaren beharretara egokitutako pertsonal-politikak gara ditzaten, gobernu autonomikoekin lankidetzan.
Ikerketa eta ezagutzaren transferentzia funtsezkoak dira gizartearen garapenerako, ondorioz, G-9 taldeak adierazi du lan-erreformak “arriskuan jartzen duela milaka ikertzaileren jarraipena: gai hau konpondu daiteke lan-erreformaren garapena Zientziaren Legearen aldaketarekin koordinatzen bada, ikerketarako eta transferentziarako kontratu-irudi bat araututa, irudi horren berezitasuna kontuan izanda, kultura bezalako beste sektore batzuetan gertatu den bezala”.
Bestalde, G-9 taldeak Errekuperazio eta Erresilientzia Plana (MRR) arrakastaz garatzeko behar den gizarte-trantsizioan duen zeregina errebindikatu du eta ministroari gaitasun handiagoa eskatu dio Europako funtsak erabiltzeko. Amaitzeko, beste gai batzuk aztertu dituzte, hala nola Sektore Publikoko Kontratuen Legea unibertsitateetara egokitzea, 28/2018 ELDren garapenaren arazoa unibertsitate-ikasleen praktikekin edo Hezkuntza eta Prestakuntza Ministerioaren beka orokorren deialdia aurreratzea.
Unibertsitateen G-9 taldea
Unibertsitateen G-9 taldean autonomia-erkidego bakoitzeko unibertsitate publiko bakarrak daude. Kantabriako Unibertsitatea, Gaztela-Mantxako Unibertsitatea, Extremadurako Unibertsitatea, Universitat de les Illes Balears, Errioxako Unibertsitatea, Oviedoko Unibertsitatea, Universidad del País Vasco/Euskal Herriko Unibertsitatea, Nafarroako Unibertsitate Publikoa eta Zaragozako Unibertsitatea.
Elkartearen xedea da taldeko unibertsitate-erakundeen arteko harremanak areagotzea, unibertsitate-komunitatean irakaskuntza- eta ikertzaile-jardueretan lankidetza sustatzeko, besteak beste. G-9 taldeko unibertsitateek 170.000 ikasle dituzte, 19.340 irakasle eta ikertzaile eta administrazio eta zerbitzuetako 8.160 langile.