-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Erakusketa: “Ehunezko kartografiak. Istorioak josten munduko emakumeekin”
- Ekitaldia
Noiz eta non
Noiztik: 2024/03/07 Noiz arte: 2024/03/21, 08:00 - 20:00
Kokapena
Bizkaiko Esperientzia Gelak
Banco de España 2. -48005- Bilbao (Bizkaia)
![](https://www.ehu.eus/documents/10136/51650273/exposicion-cartografias-textiles.jpg/ec622910-6058-6867-b7d2-d76db19be2b8?t=1709711786060)
Deskribapena
Martxoaren 7an, osteguna, 13:00etan, UPV/EHUko Esperientzia Geletan (Banco España, 2. Bilbon) "Ehunezko kartografiak" erakusketa inauguratuko da. Baztertuak izan diren 26 herrialdetako emakumeen istorioak islatzen dituzten ehun- eta soinu-lanak biltzen ditu erakusketak. Proiektu global honetan emakumeen erakundeek parte hartzen dute, baita Haur Hezkuntzako Graduko eta Bilboko Hezkuntza Fakultateko Psikodidaktikako masterreko ikasleek ere. Erakusketa martxoaren 27ra arte egongo da ikusgai.
Inaugurazio ekitaldian hainbat jarduera egingo dira proiektuan parte hartzen duten pertsonen artean. Kartografiak egiteko prozesua dagoeneko gauzatzen ari da unibertsitatean eta elkarteetan. Aldi berean, kartografiak egiteak berak sorrarazten dituen esperientziak audioan grabatzen ari dira eta erakusketan zehar entzun ahal izango dira. Gainera, inaugurazio egunean, talde batzuek kartografia propioak egingo dituzte bertan.
Proiektuan hainbat emakume-taldek parte hartu dute: IRSE Indartuz, ACCEM, Haziak, Elkarbanatuz, Gizakia, Goiztiri, Bizitegi, Caritas-Giltza, Zubietxe, Galdakaoko Erabide Emakume Elkartea eta Koloretxe, Zehar Errefuxiatuekin eta Ongi Etorri Errefuxiatuak, EAPN Euskadiren babesarekin. Bilboko Hezkuntza Fakultateko Haur Hezkuntzako Graduko eta Psikodidaktikako masterreko ikasleek ere parte hartzen dute.
Lehen edizioaren arrakastaren ondoren, erakusketak Bilbon lur hartu du berriro. Lehenengo erakusketan ikusgai zeuden kartografiak ere bertan izango dira, baita parte-hartzaileak ere.
Sarrera librea edukiera bete arte