-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Erakusketa: Insuladas
Noiz eta non
Noiztik: 2024/03/06 Noiz arte: 2024/03/25
Kokapena
Txillardegi aretoa - Carlos Santamaria Zentroa
Plaza de Elhuyar 2. -20018- Donostia / San Sebastián (Gipuzkoa)
![](https://ehu.eus/documents/10136/51650273/exposicion-insuladas-irene-larranaga_web.jpg/8644772e-3c93-b8ab-b727-44f04d493a84?t=1709210224115)
Deskribapena
Irene Larrañaga Arruti kazetari eta argazkilari azpeitiarrak ‘Insuladas’ erakusketa aurkeztu du Euskal Herriko Unibertsitateko Gipuzkoako Campusean. Erakusketa EHUkultura Gipuzkoaren esparruan antolatu da, eta martxoaren 6tik 25ra egongo da zabalik, UPV/EHUko Carlos Santamaria Zentroko Txillardegi aretoan, Donostian. Sarrera librea da. Ordutegia: astelehenetik ostiralera, 8: 00etatik 20:30era.
“Insuladas erakusketa-dio Irene Larrañagak- ‘itsasoan barrena’ besteen bakardadera eta norberaren bakartasunera bidaia-proposamena da. Erakusketa irla diren eta Formenterako irlan bakarrik bizitzea erabaki duten emakumeekin izandako argazki-topaketen emaitza da. Argazki- eta emozio-kartografia da; haien erretratuetan ikusi eta jasotzen den bakardade konkistatuaren sendotasuna du abiapuntu, sororitatearen bidez orekatzen duten hauskortasuna. Argazki-topaketetan entzundakoaren eta bizitakoaren inguruko hausnarketak lagun, irlako pasealdi luzeetan jasotako irudiek osatzen dute erakusketa. Irla bera ere badelako protagonista. Azken batean, askatasunari eta sororitateari egindako kantua da Insuladas, eta norberak bere burua definitzeari buruzkoa, ez bizitzako une bakoitzean ondoan dugunarekiko, baizik eta gure burua soilik kontuan hartuta. Irla gara”.
Informazio gehiago: https://irenelarranaga.com/