euskaraespañol

Bilaketa barra

pil-pilean

Eguneko irudia

Ekintzailetza: gaur egungo unibertsitatearen erronka nagusia

  • Albisteak

Lehenengo argitaratze data: 2024/09/20

Ander Larrinaga, Arabako Foru Aldundiko Ekonomiaren Garapen eta Berrikuntzako zuzendaria; Leyre Madariaga, Eusko Jaurlaritzako Eraldaketa Digital eta Ekintzailetzako zuzendaria; Eva Ferreira, UPV/EHUko errektorea; Joseba Mariezkurrena, Bizkaiko Foru Aldundiko Ekintzailetza, Talentu eta Enpresa Lehiakortasuneko zuzendaria; eta Unai Andueza, Gipuzkoako Foru Aldundiko Sustapen Ekonomikoko zuzendaria. | Argazkia: UPV/EHU.

Euskal Herriko Unibertsitateak oinarri teknologikoko 38 enpresa sortzea bultzatu du 2021etik. Horixe izan da gaur ezagutzera eman den daturik garrantzitsuenetako bat, Bizkaia Aretoan egin den UPV/EHUren Ekintzailetza Sarearen Topaketan. Eva Ferreira errektoreak inauguratu du jardunaldia, eta bertan izan dira Eusko Jaurlaritzako eta foru aldundietako arduradunak, azken urteotan sortutako enpresa-proiektu askotako ordezkariak eta euskal unibertsitate publikoak dituen hiru ekintzailetza-programetako arduradunak: Inizia Araban, Zitek Bizkaian eta Entreprenari Gipuzkoan.