Deskribapena

2016ko urriaren 19tik 21era bitartean, UPV/EHUko Bilboko Bizkaia Aretoan egingo da nanofilmei buruzko europar biltzarraren laugarren edizioa, ECNF 2016.

IK4-TEKNIKER zentro teknologikoak eta Euskal Herriko Unibertsitateak (UPV/EHU) antolatu dute ekimena, eta hitzaldi teknikoak, poster-saioak eta gaikako mahai-inguruak egingo dira bertan.

Honako gaiak jorratuko dira biltzarrean:

• Gainestaldura babesgarriak eta tribologikoak
• Energia eraldatzeko geruza finak, katalisia eta horrekin zerikusia duten prozesuak
• Molekuletatik eta nanopartikuletatik nanoegituratutako geruza finetara
• Nanofilmen propietateak eta horiek karakterizatzeko teknikak
• 2D material berriak: Sintesia, karakterizazioa eta aplikazioak

Biltzarra, era berean, besteren artean PVD edo Sol Gel-a bezalako tekniken bidez garatutako gainestaldurekin eta nanofilmekin lotutako berrikuntzak eta joerak trukatzeko topalekua ere izango da.
.