Deskribapena

Asteartean, urriak 20, 19:00etan, UPV/EHUko Bizkaia Aretoan Rafael Yustek, Columbiako Unibertsitateko (AEB) Biologia Zientzien eta Neurozientzien katedradunak, BRAIN proiektua eta bere inplikazioak zientzian, medikuntzan eta gizartean hitzaldia eskainiko du.

Gai izango al gara inoiz garunak bere osotasunean nola funtzionatzen duen ulertzeko? Neurobiologia bidegurutze batean aurkitzen da eta aurrera joan ahal izateko metodo berrien garapena behar-beharrezkoa du. Zientzialariak jada hasi dira bide horretan lehen pausoak ematen... Rafael Yuste, aurrerapausoen protagonistetako batek berak kontatuko digu BRAIN proiektua nola sortu zen, zein helburu dituen eta zeintzuk izan daitezken haren ondorioak zientzian, medikuntzan eta gizartean.

Madrilen jaioa, garun-zirkuituetan neurona bakoitzaren jarduera erregistratzeko eta manipulatzeko xedea duen maila handiko nazioarteko proiektu baten buru da Yuste, hain zuzen ere, Obamaren administrazioak babestua asmo handiko BRAIN ekimenaren baitan.