Deskribapena

Asteazkena, irailaren 16an, 11:00etan, UPV/EHUren Letren Fakultateko Areto Nagusian, atzerritik Arabako campusa bisitatzera datozenei ongietorria egiteko ekitaldia (Orientation Day) egingo da.

Unibertsitateko erakunde ordezkarien ongietorria jasotzeaz gainera, truke programako ikasleek UPV/EHUko ikasleentzako unibertsitate zerbitzuak ezagutu ahalko dituzte; halaber, campusek antolatzen dituzten kirol eta kultura jarduerak eta hirietan aisiarako eta astialdirako dauden aukerak ezagutuko dituzte.

Ekitaldiaren programa:
- Javier Garaizar, UPV/EHUren Arabako Campuseko errektoreordearen agur-hitzak.
- Nekane Balluerka Graduondoko Ikasketen eta Nazioarteko Harremanen arloko errektoreordearen agur-hitzak.
- Borja Belandia Vitoria/Gasteizko alkateordearen agur-hitzak.
- Bisitarientzako unibertsitateko zerbitzuei buruzko aurkezpena, Nazioarteko Harremanen Bulegoa.