-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Kultibatutako Mikroalgen Euskal Bildumak Kultiboen Bildumen Europako Erakundean sartu da
- Kronika
Lehenengo argitaratze data: 2022/10/31
![](https://www.ehu.eus/documents/10136/39782046/algas_web.jpg/d7b337cc-bf19-2223-3380-b7f5456ca35b?t=1667213184612)
Urtero, Kultiboen Bildumen Europako Erakundean (ECCO, ingelesezko siglen arabera) sinposio bat egiten du. Hala, berrogeita hamargarrena urrian egin zen, Braunschweig-en (Alemania). Bileraren helburu nagusia da Europako kultibatutako mikroorganismoen bildumek beren berrikuntzak eta ikerketak aurkeztea. Gainera, foro horretan erakundean sartu nahi duten bilduma berrien hautagaitza aurkezten da. Oraingo honetan, lau hautagai berrien artean, Euskal Herriko Unibertsitateko Kultibatutako Mikroalgen Euskal Bilduma (BMCC) zegoen, Sergio Seoane Zientzia eta Teknologia Fakultateko irakasleak zuzentzen duena. ECCOren batzar nagusian bozketa egin ondoren, BMCC erakundean sartzea onartu zen. Kultibatutako Mikroalgen Euskal Bilduma ere Mikroorganismoen Espainiako Sarearen (REDESMI) eta Kultiboen Bildumen Munduko Federazioaren (WFCC) parte da.
BMCCk mikroalga eta zianobakterioen 700 bat andui inguru ditu, batez ere Euskal Herriko ekosistemetatik hartuak. Bilduma honen bidez, gure ekosistemetako mikroalgen biodibertsitatea ezagutu nahi da, eta, era berean, mikroorganismo horiek hainbat arlotan (kosmetika, nutrazeutika edo animalien elikadura) gizakiari eman diezazkioketen baliabideak aprobetxatu.