Deskribapena

Mattin Aiestaranek, Irulegiko indusketaren arkeologo zuzendariak, hitzaldia emango du martxoaren 29an, asteazkena, 12: 00etan UPV/EHUko Zientzia eta Teknologia Fakultateko Paraninfoan. Bertan, ikerketaren nondik norakoak azalduko ditu kronika txiki baten bidez, eta Eskuaren aurkikuntzaren garrantziaz hitz egingo du. Hizlariaren aurkezpena Arantza Aranburu Geologia saileko irakasleak egingo du.

Irulegiko eskua Kristoren aurretiko lehen mendearen amaieran suntsitutako herrixka baten hondakinetan aurkitutako metalezko pieza da. Euskaraz idatzitako testurik zaharrena dauka (euskararen aurrekaria). Sorioneku, lau hitzetatik lehena, sinbolo bihurtu da. Aurkikuntza hau 2021eko ekainean izan zen eta 2022ko azaroan aurkeztu zen. Euskararen jatorriari buruzko galderei erantzuten die eta, aldi berean, berriak sortzen ditu. Arkeologia- eta hizkuntza-munduan ere berrikuntza esanguratsuak dakartza. Ikerketak duela 2000 urte baino gehiagoko euskal gizartea ulertzeko helburuarekin jarraitzen du.

Aiestaran Aranzadi Zientzia Elkarteko arkeologoa da. Historia ikasi zuen UPV/EHUn. Bere aurkikuntzari esker, Sabino Arana 2022 Saria jaso du, baskoien historiari egindako ekarpenagatik. Gainera, doktore tesia egiten ari da Burdin Aroko herrixkei buruz, UPV/EHUko Joxean Mujika irakaslearen eta Nafarroako Gobernuko arkeologo Jesus Sesmaren zuzendaritzapean.