Deskribapena

Asteartean, apirilak 29, 12:00etan, Bizkaia Aretoako Arriaga gelan (Abandoibarra, 3. Bilbo) "Voces vascas. Diccionario de uso" liburua aurkeztuko da prentsaurrekoan. Liburua Manuel Montero UPV/EHUko Historia Garaikideren katedradunak eta errektore ohiak idatzi du eta Teknos argitaletxeak plazaratu. Arratsaldean, 19:30ean, Bizkaia Aretoko Baroja gelan egingo da aurkezpen publikoa egilearekin, Teo Uriarte ikertzaile eta politikari ohiarekin, eta Antonio Rivera UPV/EHUko katedradun eta historialariarekin.

Manuel Monterok ikertu, hausnartu eta deskribatu du Euskal Herrian erabiltzen den hizkera berezia, non hitzek ideiak adierazten dituzten, baita portaerak, doktrina-jarrerak eta bizi-jokaerak. Liburuak 365 esaera berezi bildu ditu. Horiek gida bat eratzen dute trantsiziotik eraiki den Euskal Herrira hurbiltzeko. Egileak gorabehera ideologikoari eta tirabira politikoei buruzko ikuspegia eskaintzen du ironia, umorea eta zehaztasun analitikoa erabiliz.