-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Iñaki Goirizelaia, Cuscoko San Antonio Abad Unibertsitate Nazionaleko ohorezko irakasle
UPV/EHUko Master eta Doktoregoen Sareak bere presentzia sendotu du Ameriketan hitzarmen berri baten sinadurarekin
Lehenengo argitaratze data: 2014/03/21
![](https://www.ehu.eus/documents/10136/3062106/004_web.jpg/32f9fd49-946a-4cbe-8ed8-2971c46f2409?t=1421053604000)
Euskal Herriko Unibertsitateko errektore Iñaki Goirizelaia Cuscoko San Antonio Abad Unibertsitate Nazionaleko (UNSAAC, gaztelaniazko siglen arabera) ohorezko irakasle izendatu dute. Izendapena Perun egin zen, bi unibertsitateen arteko lankidetza hitzarmena sinatu ondoren egin zen ekitaldi akademikoan.
Hitzarmenaren sinaduran, UPV/EHUko errektorearekin batera, UNSAACeko errektore Atzo, Germán Zecenarro Madueño izan zen. Hitzarmen hau Euskal Herriko Unibertsitateak Ameriketako hainbat herrialdetako unibertsitateekin ezarri duen Master eta Doktoregoen Latinoamerikar Sarean kokatzen da. UPV/EHUko katedradun Francisco Javier Caballerok zuzentzen du sarea, eta gaur egun 13 herrialdetako 15 unibertsitatek osatzen dute sarea. Unibertsitate horiek guztiak UPV/EHUrekin lotuta daude hitzarmenen bidez.
Euskal Herriko Unibertsitatearen eta Cuscoko San Antonio Abad Unibertsitate Nazionalaren arteko harremanak 2009an hasi ziren, bigarren hori UPV/EHUk zuzentzen duen sarean sartu zenean hitzarmen marko baten bidez. Hitzarmen horren bidez ikasle perutarrei eskaini ahal izan maila akademiko altuko master eta doktoregoak eta titulazio bikoitza.
Oraingo honetan, hitzarmen berria sinatzearekin batera, UNSAACeko Unibertsitate Batzordeak, ezohiko bileran, Goirizelaia unibertsitate horretako ohorezko irakasle izendatu du. Titulua da unibertsitate horrek ematen duen kategoria akademiko gorena. Jarraian, errektore biek juramentu eta master eta doktoregoko diplomen banaketan egon ziren. UPV/EHUk zuzendutako sareko ikasleek hiru arlotan lortu dituzte tituluak: Gizarte demokratikoa; Estatua eta zuzenbidea; Globalizazioa; Gizarte prozesuak eta politika ekonomikoak; Ingeniaritza konputazionala eta adimendun sistemak.
Ekitaldian, UPV/EHUko errektore Iñaki Goirizelaiak azpimarratu zuen hitzarmena berriaan UPV/EHU eta UNSAACen arteko lankidetza sendotuko dela, ikerketa zientifikoa eta Cusco eta Peruko garapen ekonomikoa bultzatuko dituzten graduondoko profesionalak prestatuz. "Cuscoko San Antonio Abad Unibertsitate Nazionala eta Euskal Herriko Unibertsitatea eraikitzen ari dira distantziak eta mugek ezarritako hesiak gainditzen dituen ezagutza esparrua, jakintzan oinarritutako harremanak sortzen dituen jakintza arloa, batzen eta bateratzen gaituzten harremanen sarea.
Bere aldetik, UNSAACeko errektore Germán Zecenarrok azaldu du mota honetako nazioarteko erakundeen arteko harremanek UNSAAC jartzen dutela esparru akademikoko leku nabarmen batean, ikerketan eta maila altuko profesionalen prestakuntzan egiten duen lanagatik Euskal Herriko Unibertsitatea garrantzitsuenetako eta aitortuenetakoa baita.