Deskribapena

Euskal Herriko Unibertsitatearen Farmazia Fakultateak eta Arabako Campuseko UPV/EHUko I+med Medikuntza Pertsonalizatuko Gelak ‘Passion for science’ I. Jardunaldi Zientifikoa antolatu dute, UPV/EHUko Zientzia eta Gizarte Garapenaren eta Transferentziaren arloko Errektoreordetzaren babesarekin.

Jardunaldi honetan, ikertzaile gazteek aukera izango dute beren lanak jendaurrean aurkezteko, bai eta esperientzia handiagoa duten beste pertsona batzuen ikerketa lanak eta ibilbideak ezagutzeko ere. Ekitaldia UPV/EHUren Farmazia Fakultatean egiten den ikerketaren erakusleiho eta ikertzaileen topagune izateko helburuarekin sortu da, gure lurraldean egiten den zientziara hurbiltzeko aukera bikaina izateaz gain.

Bertan izango dira Ana Beloqui (Lovainako Unibertsitate Katolikoko F.R.S.-FNRS & WELBIOko ikertzaile elkartua), José Luis García Cordero (Basileako Giza Biologiako Roche Institutuko mikroteknologia-taldeko burua) eta Zaira García Carvajal (i+Medeko ikertzaile seniorra).