Abenduak 3 (ostirala), ENLIGHT unibertsitateetako 9 errektoreek Jasangarritasunari buruzko ENLIGHT Adierazpena sinatu dute elkarrekin, unibertsitate bazkide guztiek garapen jasangarri baterantz aurrera egiteko. Jasangarritasunaren erreferente bihurtzeko Gobernantza, Hezkuntza eta ikerketa-jardueraren eremuetan egiturazko neurri zehatzak ezarri nahi dituzte sinatzaileek.
-
Bizkaiko zaharrenak diren giza aztarnak aurkitu dituzte, duela 150.000 urtetik gorakoak
-
Europar Hauteskundeak eta Populismo Ultrak: hiru narratiba sendoren beharra
-
Nola murriztu CO2 isurpenak zementua eta hormigoia eratzean
-
Unibertsitatera Sartzeko Ebaluazioa egin zutenen % 97,98k gainditu du
-
Legeak dira komunitate energetikoak garatzeko oztopo nagusia
ENLIGHT aliantzaren unibertsitateetan jasangarritasun handiagoa lortzeko bidean
- Albisteak
Lehenengo argitaratze data: 2021/12/09
![ENLIGHT](/documents/10136/33560838/enlight-compromiso-sostenibilidad_web.jpg/60c400aa-5503-a639-884d-987212ffc338?t=1639054161402)
Jasangarritasunari buruzko ENLIGHT Adierazpenak unibertsitate-aliantzaren xedearen baldintzak berrartzen ditu, eta ikasleak ahalduntzearen garrantzia azpimarratzen du, egungo eta etorkizuneko gizarte-trantsizio nagusiei aurre egin ahal izan diezaien eta bizi-kalitatearen eta iraunkortasunaren bidezko mailak susta ditzan. Ikasleek, aldaketa-eragile diren aldetik, ezagutza, trebetasunak eta ahalmen berritzailea garatzeko aukerak izan behar dituzte klima-aldaketa iraultzeko.
Enlight-ek jasangarritasunari loturiko printzipioak hezkuntza-esparru eta -maila guztietan txertatu, eta jasangarritasunaren kultura finkatu nahi du aliantzaren unibertsitate guztietan.
Unibertsitate-aliantza horren helburuen artean, nazioarteko ikaskuntza- eta irakaskuntza-aukerak eta nazioarteko lankidetza bateratzea dago; hori bateragarri egin nahi da, unibertsitateen barne-logika iraunkorrekin eta ikatz-isurketen murrizketarekin.
Aliantzaren barruko praktiken aniztasunak ikuspegi berriak identifikatzen lagunduko du, eta erakundeen politikak etengabe hobetzeko lankidetza sustatuko du. Helburu nagusia elkarrekiko erreferentzia-mailak ezartzea da, klima-aldaketaren aurka borrokatzeko ditugun estrategiak hobetzeko. Esparru horretan, gizarte-dimentsioa funtsezkoa da bidezko ongizatea sortzeko.
Jasangarritasunari buruzko ENLIGHT adierazpenaren testu osoa.