Deskribapena

Otsailaren 21ean hasita, Universidad del País Vasco/Euskal Herriko Unibertsitatearen Letren Fakultateko Areto Nagusian burutuko dira Arte Erromanikoari buruzko II. jardunaldiak, Arabako Campuseko Esperientzia Gelek, UPV/EHUren Artearen eta Musikaren Historia sailak eta Erromanikoaren eta Erdi Aroko Arabaren lagunen elkarteak batera antolaturik.

Arabako Foru Diputazioaren eta Vital Fundazioaren laguntza dutelarik, bost jardunaldi izango dira, ‘Pintura erromanikoa. Ikonografia, funtzioa eta teknika’ titulu orokorraren baitan bilduta. Hona hemen jardunaldiotako programa:

Otsailak 21

Juan José Usabiaga. Pertsuasioa pintura erromanikoan: ante oculos ponitur.

Martxoak 14

Ángel Pazos López. Erromanikoko hormako pinturaren erabilera liturgikoak: otoitza, begietsi eta santutzea.

Apirilak 11

Isabel Mellén. Irudi ahantziak. Pintura gorrizko apainketa, Arabako eliza erromanikoetan.

Apirilak 25

Milagros Guardia Pons. Behatzea eta behatua izatea: Taüll-eko Sant Climent-eko pinturen programa ikonografikoa.

Maiatzak 4

Carlos Venegas. Azalak ezkutatutakoa. Hormako pintura erromanikoaren teknika eta kontserbazioa.

Saio guztiak 19.15etan hasiko dira eta irekita egongo dira interesatu guztientzat.