-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
UPV/EHUko Unibertsitate Orientaziorako hiru azoketatik azkena, Bilbon
- Ekitaldia
Noiz eta non
2022/03/19, 09:00
Kokapena
Bilbao (Bizkaia)
Deskribapena
Larunbatean, martxoak 19, 9:00etatik 14:00etara, Euskal Herriko Unibertsitateak egingo dituen Unibertsitate Orientaziorako hiru azoketatik (EHUazoka) azkena ospatuko du. Donostian azoka martxoaren 5ean izan zen, eta Gasteizen hilaren 12an.
EHUazoka, Euskal Herriko Unibertsitateko Unibertsitate Orientaziorako Azoka, aukera paregabea da etorkizuneko ikasleek UPV/EHUk 2022-2023 ikasturtean eskainiko dituen graduko ikasketak eta unibertsitatean sartzeko prozedura gertutik ezagutzeko. Aurton, EHUazokak bere presentzialtasuna berreskuratu du, arreta berezia jarriz osasun-neurriei eta bertaratutakoen osasuna zaintzeari. EHUazokaren hiru jardunaldietan fakultate eta eskoletako irakasleek informazio saioak emango dituzte taldeentzat eta banan banako arreta ere eskainiko da. Horrela, unibertsitate aurreko ikasleek gure unibertsitatea eta graduko ikasketen eskaintza hobeto ezagutu ahal izango dute, eta etorkizunean unibertsitatean egin ahalko dituzten ikasketei buruz dituzten zalantza guztiak argitzeko aukera izango dute.