-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Gasteizko Ingeniaritza Eskolako III. Ikerketa Jardunaldia
- Kronika
Lehenengo argitaratze data: 2018/02/23
![](https://ehu.eus/documents/10136/8923958/Jornada+de+Investigaci%C3%B3n+en+Ingenier%C3%ADa+de+Vitoria_web.jpg/36d699bb-49d4-594e-76d1-579f53adbfcc?t=1519387960000)
Ia ehun bat ikaslek, ikertzailek eta enpresetako ordezkarik esku hartu zuten Gasteizko Ingeniaritza Eskolako III. Ikerketa Jardunaldian. Jardunaldia Universidad del País Vasco/Euskal Herriko Unibertsitatearen Arabako Campuseko ikastegi horretako ekitaldi aretoan egin zen.
Ikastegiko taldeek abiaturik dituzten 12 ikerketa proiekturen hitzaldi motzak aurkeztu ziren jardunaldian, 5 minutu ingurukoak. Era horretara, Gasteizko Ingeniaritza Eskolaren ikerketarako izaeraren berri eman nahi izan zaie unibertsitateko kideei, batez ere ikasleei.
Hitzaldietan era askotariko gaiez mintzatu zen: Simulazio aerodinamikoetarako software librea, arnas gaixotasun pediatrikoak ikertzeko simulazio konputazionala, baso suteak ikertzeko aireko kartografia, eraikin historikoen zaharberritzeko analisi sistema berriak, garapen iraunkorrera bideratutako bioteknologia, informazio teknologikorako analisia, mekatronika energia berriztagarrien fabrikazioan edo Eusko Jaurlaritzaren sentsore meteorologikoen kalibrazio proiektuak.
Gonbidatutako enpresetako ordezkariek azpimarratu dute garrantzi handikoa dela unibertsitateetan egiten diren proiektu horien berri ematea. Ikasleentzat, berriz, aukera ezin hobea da ezagutzeko nolako aukera zabala duten gradu amaierako lanak egiteari begira.