Bilboko Ingeniaritza Eskolak Aragoiko Motorland Zirkuituan, Alcañizen, urriaren 11tik 15era lehiatuko diren bi motoak aurkeztu ditu gaur. MotoStudent Petrol – gasolina-motorra – eta MotoStudent Electric – motor elektrikoa – kategorietan parte hartuko dute. Edizio honetan, mundu osoko 1.000 ikasle inguruk hartuko dute parte.
-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Bilboko Ingeniaritza Eskolak MotoStudent 2023 Nazioarteko Txapelketarako motoak aurkeztu ditu
17 ikaslek diseinatu dituzte Alcañizen egingo den txapelketan erabiliko dituzten bi prototipoak
Lehenengo argitaratze data: 2023/10/09
![](https://www.ehu.eus/documents/10136/47264519/motostudent-ingenieria-bilbao_web.jpg/8b3dd585-7c73-29ee-d0ce-ffb35551dea7?t=1696857123232)
MotoStudent Petrol kategorian, ikasleek 250 zentimetro kubiko eta 4 aldiko barne-errekuntzako motorra muntatuko dute. Bestalde, MotoStudent Electric-ek, duela hiru edizio gutxi sartu zen kategoriak, % 100eko sistema elektrikoa erabiltzea eskatzen die parte-hartzaileei. Bilboko Ingeniaritza Eskolak MostoStudent-en txapelketa guztietan parte hartu du sortu zenetik eta aurtengoa ez da desberdina izango, elektrizitatea eta errekuntza modalitateetan parte hartuko baitu.
Moto Engineering Foundation Fundazioak sustatutako lehiaketaren VII. edizio honetan, munduko toki guztietatik etorritako 1.000 ikasle inguru lehiatuko dira urriaren 11tik 15era bitartean motozikletak egin, diseinatu eta lasterketan probatzeko.
Diseinuan Bilboko Ingeniaritza Eskolako 17 ikaslek parte hartu duten arren, 10 bakarrik izango dira txapelketa honetan parte hartuko dutenak. Irakasleen eta ikastegiaren laguntzarekin, ikaleek egiten dute diseinuko eta fabrikazioko lan gehiena. Ingeniaritza Mekanikoko Saila, batez ere Makina eta Motor Termikoak Sailaren laguntzarekin, eta Elektronika Saila dira lana garatzen laguntzen dutenak. Bigarren aldiz jarraian, eta motor elektrikoaren kategoria berriaren ondorioz, Ingeniaritza Elektrikoko Sailak ere parte hartu du proiektu honetan.
Moto3n oinarritua
Bi motorrek ezberdintasun batzuk dituzte. Errekuntza-motorrak 41 CV-ko potentzia du, elektrikoak 60 CV-koa ez bezala. Bestalde, lehen honek 95Kg-ko pisua erakusten du, eta alternatiba elektrikoa, berriz, 130Kg-ra hurbiltzen da.
MotoStudent-en, ikasleek lehiaketa-motozikletaren prototipo bat diseinatu eta fabrikatu behar dute, Moto3n (Munduko Motoziklismo Txapelketako zilindrada txikienaren kategoria) oinarritutako araudiari jarraiki. Horretarako, hiru seihileko inguru dituzte, eta horietan unibertsitate-graduan zehar lortutako ezagutza guztiak aplikatuko dituzte.
Ikasleek egindako lana hainbat arlotako industria-sektoreko espezialistek osatutako batzorde batek eta epaimahai batek ebaluatu dute. Horretarako, ekonomikoki bideragarria den fabrikazio plan bat aurkeztu behar izan dute epaimahai aditu baten aurrean. Epaimahai hori taldeek gainditu egin behar dute zirkuituan lasterketara sartzeko. Horren barruan sartzen dira prototipoen ikuskapen teknikoak, segurtasun-proba estatikoak eta pistako saiakuntza dinamikoak, maniobragarritasunari, balaztatzeari edo azelerazioari dagokienez, besteak beste.