-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
UPV/EHUko ikasle talde bat nabarmendu da Repsol Challenge Unibertsitarioaren 1. edizioan
Mario Escribano, Emilio García eta Raquel López, Material Berrien Masterreko ikasleak, 1.700 ikasle biltzen dituen lehiaketako onenetarikoenak
- Albisteak
Lehenengo argitaratze data: 2024/03/27
![](https://www.ehu.eus/documents/10136/51600144/repsol-challenge-upv-ehu_web.jpg/3ae373c9-d13b-c55d-5d83-b534a89121b6?t=1711444073759)
Taldeko hiru kideak, 'GreenDrive Innovations' izenarekin, 'Mugikortasun Iraunkorra' kategoriako finalisten artean geratu ziren, "Uso de catalizadores para controlar la longitud de las cadenas de eFuels" izeneko lanarekin, Repsol Challenge Unibertsitarioaren lehen edizioan. Erronkaren helburua da gazteek konponbideak proposatzea trantsizio energetikoak eta deskarbonizazioak planteatzen dituzten desafioei.
Repsol Challenge Unibertsitarioak bi fase izan ditu. Lehenengo fasean, 250 talde inguruk eta 1.700 ikaslek proposatutako bost gaietako bati (Hiri Iraunkorrak; Mugikortasun Iraunkorra; Ekonomia Zirkularra; Industria Iraunkorra; Trantsizio Energetikoa eta Gizartea) buruzko proiektu bat bidali behar izan zuten antolakuntzara. Bigarren fasean, gai bakoitzeko bost talde onenak Madrilera joan ziren, aditu-talde baten aurrean aurkezpena prestatzeko.
Mario Escribano, Emilio García eta Raquel López UPV/EHUko ikasleek osatutako taldea izan zen horietako bat. Bere lanak erregai sintetikoetarako katalizatzaile berri baten erabilera ikertzen du. Katalizatzaile honek kateen luzeran kontrol handia izatea ahalbidetzen du: erraz birzikla daiteke, ez da toxikoa eta merkea da.
Finalisten artean geratu izana garaipen handia da haientzat, eta beste unibertsitate batzuetako ikaskideak ezagutzeko aukera ere bai. Mario Escribanok, taldeko kideak, adierazi du "estatu osotik etorritako unibertsitateko ikasleak ezagutu eta haiekin lan egiteko plazera" izan dutela. "Pertsonalki bi egunetan asko ikasi genuen gure proiektua nola aurkeztu eta saldu. Ekimen oso garrantzitsua da, ez bakarrik gaur egungo ikerketa eta garapen teknologikorako, baita ikasleentzako zubi bat sortzeko ere unibertsitate munduaren eta lan merkatuaren artean", ondorioztatu du Escribanok.