-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
María del Pilar García Mayo katedraduna, Estatuko Ikerketa Agentziaren zuzendaritza kontseiluko kidea
- Kronika
Lehenengo argitaratze data: 2021/06/25
![](https://www.ehu.eus/documents/10136/30309295/maria-del-pilar-garcia-mayo.jpg/ffef02c3-1dd2-ea2d-6760-d0cb9c3d4437?t=1624614499846)
María del Pilar García Mayo UPV/EHUko Ingeles Hizkuntzan eta Hizkuntzalaritzan katedraduna eta UPV/EHUko Ingeles eta Aleman Filologiako eta Itzulpengintza eta Interpretazioko Saileko zuzendaria Estatuko Ikerketa Agentziaren zuzendaritza kontseiluko kide izendatu dute.
Estatuko Ikerketa Agentzia I+G+B jarduerak funts publikoekin finantzatzeko tresna bat da. Helburu du jakintza arlo guztietako ikerketa zientifikoa eta teknikoa sustatzea, baliabide publikoak efizientziaz esleitzearen bidez; I+G+B sistemako eragileen arteko elkarlana bultzatzearen bidez; inpaktu zientifiko, tekniko, ekonomiko eta sozial handiko ezagutzak sortzeari babesa ematearen bidez (horien barruan sartzen dira gizartearen erronkei bideratutakoak); eta finantzatutako jardueren jarraipena egitearen bidez.
García Mayo Aleman Filologian lizentziatu zen Santiago de Compostelako Unibertsitatean, master bat du TESOL eta Hizkuntzalaritzan eta doktorea da Hizkuntzalaritzan (Iowako Unibertsitatea). 1998 eta 2013 artean, UPV/EHUko doktorego programen arduraduna izan zen, eta Language Acquisition in Multilingual Settings masterraren arduraduna da, 2009an hasi zenez geroztik. Gainera, Language and Speech (www.laslab.org) bikaintasuneko ikertalde finkatua zuzentzen du. Eusko Jaurlaritzaren finantzaketa du taldeak, eta honako hau ikertzen du: ingelesa bigarren edo hirugarren hizkuntza gisa eskuratzea ikaskuntza testuinguru formaletan, hainbat ikuspegi teorikotatik.
García Mayo Hizkuntzalaritza Aplikatuko Espainiako Elkarteko zuzendaritza taldean egon zen, eta Hizkuntzalaritza Aplikatuko Nazioarteko Elkarteko zuzendaritza taldeko kidea izan zen. Gainera, proiektu kudeatzailea izan zen Estatuko Ikerketa Agentzian 2016tik 2019ra, eta Shanghai Center for Research in English Language Education zentroko ohorezko kidea da.
María del Pilar García Mayo eskubide osoko kidea izango da Estatuko Ikerketa Agentziaren zuzendaritza kontseiluak datorren ekainaren 30ean egingo duen bileran.