-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
UPV/EHUko Unibertsitate Orientaziorako azoka, Araban
- Ekitaldia
Noiz eta non
2023/02/04, 09:00 - 14:00
Kokapena
Hezkuntza eta Kirol Fakultatea (Kirola)
Portal de Lasarte 71. -01007- Vitoria-Gasteiz (Araba)
Deskribapena
Larunbatean, otsailak 4, 9:00etatik 14:00etara, Universidad del País Vasco/Euskal Herriko Unibertsitateak Unibertsitate Orientaziorako Azoka EHUazoka 2023 egingo du Arabako Campusean, Hezkuntza eta Kirol Fakultatean (Kirol Atala) (Lasarteko Atea kalea 71, 01007 Vitoria-Gasteiz).
EHUazoka, Euskal Herriko Unibertsitateko Unibertsitate Orientaziorako Azoka, aukera paregabea da etorkizuneko ikasleek Euskal Herriko Unibertsitateak 2023-2024 ikasturtean eskainiko dituen graduko ikasketak eta unibertsitatean sartzeko prozedura gertutik ezagutzeko. Fakultate eta eskoletako irakasleek informazio saioak emango dituzte taldeentzat eta banan banako arreta ere eskainiko da. Horrela, unibertsitate aurreko ikasleek gure unibertsitatea eta graduko ikasketen eskaintza hobeto ezagutu ahal izango dute, eta etorkizunean unibertsitatean egin ahalko dituzten ikasketei buruz dituzten zalantza guztiak argitzeko aukera izango dute.
Gainera, azokako stand batean Euskal Herriko Unibertsitatearen graduondoko eskaintzari buruzko informazioa emango da, bai unibertsitate master eta berezko tituluez bai doktoregoez.
Standetarako sarrera librea da baina informazio-saioetan parte hartzeko nahitaezkoa da aldez aurretik izena ematea. Gaur, astelehena, urtarrilak 30, ireki da Arabako informazio saioetarako izen-ematea, eta zabalik egongo da saio bakoitzeko plazak agortu arte.
Izen-ematea web orri honetan egingo da.
Informazio zabalagoa: https://www.ehu.eus/eu/web/sou/ehuazoka-araba
Arabakoaren ostean, EHUazoka otsailaren 11n Bizkaiko Campusean izango da.