Masterraren gakoak
Konputazio Ingeniaritza eta Sistema Adimentsuak Unibertsitate Masterrak aztergai ditu Europako Batzordeko European Computing Education and Training sare tematikoak gomendatutako informazio zientzia eta teknologiekin lotutako ikerlerroak.
Master honetan espezializatzeko, honako bloke tematiko hauek jorratuko dira: informatikarako matematika aurreratua, sistema adimentsuak, bisualizazioa eta multimedia sistemak, informatika industriala eta aplikazio domeinuak.
Prestakuntza programaren bidez, ikasleak gai izango dira hala nola industriaren, zientziaren, hezkuntzaren, finantzen, merkataritzaren, garraioaren, osasungintzaren eta ingurumenaren esparrua garatzeko eta berritzeko, konputazioari eta sistema adimentsuei dagozkien arazoak identifikatuz eta konponduz.
Masterra modalitate erdipresentzialean ematen da, eta irakasgai gehienak aurrez aurrekoak dira. Masterrak orientazio bikoitza du, praktika profesionalera eta ikerketa jarduerara –doktoregoko ikasketarako aurreko urrats gisa, bereziki– bideratzen du, eta UPV/EHUko Ingeniaritza Informatikoko doktorego programarako sarbide zuzena eskaintzen du.
