Masterraren Gakoak
Ikerketa biomedikoa funtsezko erreminta da egun biztanleriaren bizi-kalitatea eta -itxaropena hobetu ahal izateko. Arlo honek aldaketa izugarriak bizi izan ditu azken urteotan, metodologikoki zein kontzeptualki. Horri esker, eta ikerketa biomedikoak egun bere esku dituen analisi-erreminta berriak ikusita, orain arte sendaezinak ziren patologien tratamenduan eta sendatzean ere pentsatzen hasiak gara.
Gaixotasunaren garapenean inplikaturiko mekanismo molekular, zelular eta fisiologikoen inguruko prestakuntza eguneratua eskaintzen du masterrak. Informazio hori guztia beharrezkoa da interes biosanitarioa duten gaien inguruko emaitzak eta baliozko ondorioak emango dituzten ikerketa lanak garatu ahal izateko.
Masterrak ikerketarako joera garbia dauka, doktorego ikasketen atarikoa den heinean. Zuzeneko sarbidea ematen du Ikerketa Biomedikoa Doktorego Programara.
