-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
1.720 ikasle aurkeztuko dira Unibertsitatera Sartzeko Ebaluazioaren ezohiko deialdira UPV/EHUn
- News
First publication date: 01/07/2024
![](https://www.ehu.eus/documents/10136/54202753/eau-extraordinaria-2024_opc01.jpg/697a2a7f-8e50-aa88-94db-771a52780473?t=1719997624013)
Euskal Autonomia Erkidegoko Batxilergoko 1.201 ikasle eta Lanbide Heziketako goi mailako heziketa ziklo bat egin duten beste 91 matrikulatu dira, Unibertsitatera Sartzeko Ebaluazioaren (USE) ezohiko deialdirako. Horietaz gain, 428 ikasle emaitza hobetzera aurkeztuko dira. Guztizkoa (1.720) iazkoa baino pixka bat handiagoa da: 2023an 1.535 ikasle matrikulatu ziren ezohiko USEra. Aurten, beraz, % 12,5 igo da matrikula. Azterketak uztailaren 3an hasiko dira. USE hiru egunetan zehar egingo da, ostiralera arte, hilak 5, UPV/EHUren hiru campusetan.
Unibertsitatera Sartzeko Ebaluazioak bi fase ditu: sarbidea eta onarpena. Sarbide faseak helburu hau du: ikasleek graduko unibertsitate-ikasketa ofizialak egiteko heldutasuna eta oinarrizko trebetasunak neurtzea. Honako bost azterketez osatuta dago: Gaztelania eta literatura; Euskara eta literatura (asteazkenean 2024ko USE irekiko duen azterketa); Espainiako historia ala Filosofiaren historia (ikasleek bietatik bat aukeratu dezakete); Lehenengo atzerriko hizkuntza; eta Batxilergoko 2. mailako modalitateko derrigorrezko gaia. Gai bakoitzak 0 eta 10 bitarteko nota jasoko du, eta fase honetan gehienez 10 atera daiteke.
Batxilergoko notaren eta fase orokorreko kalifikazioaren artean egindako batez besteko nota haztatuan (% 60 Batxilergoari edo Heziketa Zikloari dagokio eta % 40 fase orokorrari) 5 puntu edo gehiago lortuz gero proba gainditutzat joko da, baldin eta ikasleak fase orokorrean gutxienez 4 puntu lortu baditu.
Onarpen fasea borondatezkoa da. Ikasleak edozein irakasgai aukeratu ahal du Batxilergoko bigarren mailako enborreko aukerazko irakasgaien artean, gehienez, lau. Nota igotzeko ere balio ahal dute sarbide fasean egindako irakasgaietako batzuek. Azterketei dagokienez, pandemian sortutako egitura malgua mantendu da.
Proben emaitzak uztailaren 10ean, 12:00etan, argitaratuko dira.
USEri buruzko informazio guztia: https://www.ehu.eus/eu/web/unibertsitaterako-sarbidea/2024-use-ezohiko-deialdia
2024ko USEREN EZOHIKO DEIALDIA EGINGO DUTEN IKASLEEN DATU XEHATUAK:
BATXILERGOA | GAZTELERA | EUSKARA | GUZTIRA SEXUKA | GUZTIRA CAMPUSKA | |
ARABA | Emakumeak | 37 | 52 | 89 | 180 |
Gizonak | 39 | 52 | 91 | ||
BIZKAIA | Emakumeak | 92 | 200 | 292 | 558 |
Gizonak | 71 | 195 | 266 | ||
GIPUZKOA | Emakumeak | 42 | 166 | 208 | 432 |
Gizonak | 71 | 177 | 224 | ||
*CAMPUSERA ATXIKI GABE | Emakumeak | 16 | 5 | 21 | 31 |
Gizonak | 3 | 7 | 10 | ||
GUZTIRA | 347 | 854 | 1.201 |
* Campusetara atxikita ez dauden baina UPV/EHUn azterketa egiteko eskatu duten ikasleak.
LANBIDE HEZIKETA | GAZTELERA | EUSKARA | GUZTIRA SEXUKA | GUZTIRA CAMPUSKA | |
ARABA | Emakumeak | 1 | 1 | 1 | |
Gizonak | |||||
BIZKAIA | Emakumeak | 25 | 12 | 3711 | 48 |
Gizonak | 7 | 4 | |||
GIPUZKOA | Emakumeak | 9 | 11 | 20 | 27 |
Gizonak | 3 | 4 | 7 | ||
*CAMPUSERA ATXIKI GABE | Emakumeak | 9 | 3 | 12 | 15 |
Gizonak | 3 | 3 | |||
GUZTIRA | 57 | 34 | 91 |
* Campusetara atxikita ez dauden baina UPV/EHUn azterketa egiteko eskatu duten ikasleak.