Kriminologia diziplinarteko zientzia bat da, diziplina askoren ezagutzaz baliatzen dena; tartean, medikuntza, soziologia, psikologia, antropologia eta zuzenbide penala. Horren bidez, krimenaren, haren intzidentziaren, kausen, formen, ondorioen eta lege araudien gaineko ikuspegi global bat eman nahi da; biktimen arreta, delinkuenteak eta gizarte kontrola deitutakoa ahaztu gabe.
Delituak prebenitzeko eta tratatzeko, biktima eta arauhausleekin esku hartzeko eta, oro har, biztanleriaren segurtasuna hobetzeko zientzia ezagutzen aplikazioan aditu bat izateko prestatuko zaitu Kriminologiako Graduak. Delitua bera ikertzeaz gainera, sakon aztertuko dituzu delinkuentea, biktima eta delituen gizarte kontrolerako bitartekoak, eta gatazkak konpontzeko estrategiak diseinatzen ikasiko duzu.
Eta ikasitako guztia praktikan jartzeko, bertatik bertara ezagutuko duzu kriminologiaren arloko profesionalek egindako lana, nahitaezko kanpoko praktiken bitartez.
Knowledge areas
Social Sciences and Law
Centre
Campus
Gipuzkoa
Duration
4 courses
Number of credits
240 ECTS credits
Languages
Basque, English, Spanish
Study type
Face-to-face degree
Price per credit in first registration
13,42 €
Pass mark
10,534 in ordinary exam session (2024/25)
Places available
60 places
4 arrazoi gradu hau aukeratzeko
- Delitua, krimena eta biktimekiko laguntza ikasi eta gizarte justuagoaren aldeko lana egiten ikasiko duzu.
- Auzitegiko psikopatologia, medikuntza legala… ikasketa plan osoa izango duzu, diziplina ezberdinetako irakasgaiek osatuta.
- Laugarren ikastaroan, praktikak egingo dituzu epaitegietan, fiskalian, Ertzaintzan edo zuk proposatutako tokian.
- Ikerketa kriminologikoak ezagutu ahal izango dituzu Kriminologiaren Euskal Institutuan, fakultateak lankidetza estua baitu institutuarekin.
Sarrera-profila
Behaketa eta dedukzio gaitasuna, espiritu kritikoa, eta analisi eta sintesirako joera baduzu eta lana taldean egitea atsegin baduzu, Kriminologiako Gradua da zure aukera.
Irteera profesionalak
Lan arlo publiko eta pribatu askotara sartzeko aukera izango duzu, hala nola:
- Polizia zientifikoa, hainbat mailatakoa: udalerrietakoa, autonomikoa edo estatukoa.
- Segurtasun enpresa pribatuak.
- Arlo judiziala: auzitegiko kriminologia, delituei eta abarrei buruzko datu baseen erabilera, teknikarien taldea adingabeen epaitegietan, adituen txosten kriminologikoetarako laguntza.
- Espetxeak eta adingabe arau-hausleak barneratzeko zentroak.
- Gizarteratzeko erakundeak eta espetxe-zaintza.
- Bitartekaritza zerbitzuak.
- Biktimen arretarako bulegoa.
- Administrazio publikoa: segurtasun politika publikoen diseinua eta gizarte eta laguntza politiken diseinua.
- Ikastetxeak: arrisku faktoreak hautematek programak diseinatzea, baita esku hartze eta prebentzio estrategiak ere.
- Giza eta oinarrizko eskubideen arloan diharduten elkarteak.
- Ikerketa jardueren arloan lanean diharduten erakundeak.