Industria gure ekonomiaren motor garrantzitsuenetako bat da, eta funtsezkoa da horregatik industria sektoreen garapenerako sistema eta prozesuetan trebatuta egongo diren profesionalak edukitzea.
Industria Ingeniaritza ingeniaritza guztien artean orokorrena da. Ingeniaritza moldagarri eta polibalente bat da, ikasketa generalista teknikoekin eta oinarri zientifiko-teknologiko sendoekin, hainbat arlotan: mekanika, materialak, kimika, elektrizitatea, elektronika, automatika, diseinua eta termodinamika, industria antolakuntza, etab.
Industria Teknologiaren Ingeniaritzako Graduak ikuspegi integral bat emango dizu industria ekoizpeneko prozesuei buruz, prozesu horiek ezarri eta hobetzeko, arreta berezia jarriz enpresaren aktibo garrantzitsuenetan; langileak, materialak, ekoizpen ekipoak, energia, finantza eta ekonomia alderdiak… Azken batean, helburua da erakundeen produktibitatea eta lehiakortasuna handitzea.
Industria Ingeniaritzaren atribuzio guzti-guztiak eskuratzeko, Industria Ingeniaritzako masterra egin beharko duzu. Gradu hau eginez gero, zuzenean sartuko zara master horretara.
Knowledge areas
Engineering and Architecture
Centre
Faculty of Engineering - Bilbao
Campus
Bizkaia
Contact
Duration
4 courses
Number of credits
240 ECTS credits
Languages
Basque, English, Spanish
Study type
Face-to-face degree
Price per credit in first registration
18,23 €
Pass mark
6,498 in ordinary exam session (2024/25)
Places available
260 places
4 arrazoi gradu hau aukeratzeko
- Eskari handia duten profesionalak hezten dira, arlo tekniko, ekonomiko eta ingurumenekoan berrikuntzak eta hobekuntzak egiteko gai direnak.
- Arloaren ikuspegi orokorra eskaintzen duen gradu bakarra da, industrian erabiltzen diren teknologia guztietan oinarrizko prestakuntza sendoa ematen duena.
- Edozein teknologia industrialetan espezializatzeko aukera eta bidea ematen du.
- Sarbide zuzena ematen du Industria Ingeniaritza Masterrera, arlo honetan gaitasun osoak lortu ahal izateko.
Sarrera-profila
Industria ekoizpeneko sistemak eta prozesuak interesatzen bazaizkizu, antolakuntza atsegin baduzu eta ezagutzak badituzu matematikan, fisikan, kimikan eta marrazketan, Industria Teknologiaren Ingeniaritzako Graduan duzu lekua.
Irteera profesionalak
Industriaren sektore guztietan lan egin ahal izango duzu (garraioa, automozioa, metalurgia, makina erreminta, sektore aeroespaziala, energia, automatizazioa, etab.). Zehazki, alor hauetan:
- Sail teknikoak.
- Ekoizpena eta logistika.
- I+G sailak.
- Zuzendaritza eta administrazioa.
- Plangintza.
- Marketina.
- Giza baliabideak…