Programa hau Fakultatearen beraren ekimena da. Helburua programa ezberdinen bidez heltzen zaizkigun ikasleei Fakultatean eta gure kulturan integratzen laguntzea da. Horretarako, lan hau boluntarioki egin nahi duten ikasleak eskatzen ditugu.

Buddiak UPV/EHUko graduko ikasleak dira, eta esperientzia, ekimen pertsonal edo laguntasunagatik, iritsi berriei hirian eta campusean orientatzen lagundu nahi diete.

Ekimen honen bidez, etorkizunean trukea egin nahi duten ikasleek, eurek joan nahi luketen unibertsitateko ikasleren bat ezagutzeko aukera daukate, eta hori lagungarria izan ahal zaie etorkizuneko egonaldirako. Era berean, aukera izango dute norako unibertsitateko hizkuntza lantzeko eta hango kultura eta bizimoduaz zerbait ikasteko. Buddy programan parte hartzeak + 0.5 puntu ematen ditu, geroago nazioarteko mugikortasun programetan plaza eskatzeko.

• Atzerriko ikaslearekin jarriko da harremanetan, posta elektronikoaren bidez, hona etorri aurretik, UPV/EHUn izango duen ciceronea izango dela adieraziz.
• Hitzordua egingo du atzerriko ikaslearekin iritsi bezain pronto (autobus geltokian, hiriko tokiren batean edo campusean) lekartzakeen galderak erantzuteko eta Bilbon egin beharreko lehendabiziko egunetan laguntzeko, ahal bada hiria erakutsiko diolarik.
• Help Centre-ra (Liburutegian Eraikina 2º Leioa) eraman eta erakutsiko dio, bertan laguntzen baitzaie bisitariei alojamendua aurkitzen eta UPV/EHUk atzerritarrentzat prestatutako hizkuntza ikastaroetan izena eman eta hauen datari buruzko informazioa ematen.
• Fakultateko Nazioarteko Harremanetarako Dekanordetzara lagunduko du. Bisitariek etorreraren berri eman beharko dute eta dekanotzan sinatu eta zigilatuko zaie "Arrival Certificate" agiria.
• Fakultatea erakutsiko dio atzerriko ikasleari (biblioteka, kafetegia, ordenagailu aretoak, fotokopiak, kirol zerbitzua...)
• Laguntza eskainiko dio atzerriko ikasleari irakasgaiak hautatzen eta aplikazio informatikoak (GAUR eta Egela) nola erabili ikasten.

Ez ahaztu enplegu-deialdietan edo praktiketan parte hartu izanaren ziurtagiria aurkeztea; izan ere, nazioartean, erakundeek eta enpresek oso positibotzat jotzen dute beren hautagaiek boluntariotza, altruismo edo eduki sozialeko ekintzetan parte hartu izana.

Eskaera-epea, maiatzean (abuztuan-irailean iristen diren ikasleei harrera egiteko) eta azaroan (urtarrilean-otsailean iristen direnei harrera egiteko)  zabaltzen da. Fakultateko Nazioarteko Harremanetarako Dekanordetzak mezu bat bidaltzen du @ikasle.ehu.eus helbidera, betetzeko epea adierazteko. Parte hartu nahi baduzu, eskaria bete dezakezu horretarako adierazten diren epeetan.