Etxe Beharrak - Necesidades Domésticas Jardunaldiak, etxebizitza kudeaketaren eta eraikuntzaren definizioan abangoardian kokatzen diren proposamenak aztertu eta aurkezteko asmoarekin antolatzen dira.

Jardunaldiak lau ildo tematikotan antolatzen dira, eta horietako bakoitzari egun bat eskainiko zaio. 

• Lehenengo jardunaldian, gobernantzaren eta haren garapenaren alorretik etxebizitzak ekoizteko kudeaketa-eredu berriei buruzko gogoeta egingo da. 
• Bigarren jardunaldia ingurumen-kalitateari eta etxeko espazioak klima-aldaketaren aroan egokitzeari buruzkoa izango da, eta arreta berezia jarriko da sistema pasiboetan. 
• Hirugarren saioan materialen eraikuntzaz eta kontsumoaz arituko dira. Industrializazioaren, materialen berrerabilpenaren, autoeraikuntzaren eta sistema tradizionalen berrikuspenaren adibideak aurkeztuko dira. 
• Azken jardunaldian, etxebizitza kolektiboko ikuspegi sozialari eta genero-ikuspegiari buruzko hausnarketa egingo da, eta, bereziki, Coliving ereduei buruzkoa. 

Jardunaldiekin batera, lau goizetan, azaroaren 5etik 8ra, tailer praktiko bat egingo da. Tailer honen zuzendaria Marta Benedicto izango da, estudioko sei arkitekto bazkideetako bat, eta UPV/EHUko Arkitektura Proiektuen arloko irakasleen laguntza izango du.